16:28, 14 - ءساۋىر 2016 | GMT +5
ىستامبۇلداعى سامميتتىڭ قاۋىپسىزدىگىن 5 مىڭ پوليتسيا قاداعالاۋدا
الماتى. قازاقپارات - تۇركيانىڭ ىستامبۇل قالاسىندا ءوتىپ جاتقان يسلام ىنتىماقتاستىق ۇيىمىنىڭ XIII سامميتىندە قاۋىپسىزدىك شارالارى كۇرت كۇشەيدى.
تۇرىكتىڭ haberler.com سايتىنىڭ تاراتقان اقپاراتى بويىنشا، حالىقارالىق جيىننىڭ قاۋىپسىزدىگىن 5 مىڭ پوليتسيا قاداعالاۋدا.
يسلام ىنتىماقتاستىق ۇيىمى 1969 -جىلى قۇرىلعان. بۇگىنگى تاڭدا وعان الەمنىڭ 57 ەلى مۇشە. تاعى 5 مەملەكەت پەن 5 حالىقارالىق ۇيىم بايقاۋشى مارتەبەسىنە يە. بيىلعى سامميت «بىرلىك پەن ىنتىماق، ادىلدىك پەن بەيبىتشىلىك ءۇشىن» تاقىرىبىن ارقاۋ ەتۋدە. القالى جيىندا حالىقارالىق تەرروريزم، كوشى- قون ماسەلەسى، تاياۋ شىعىس، افريكا مەن ازيا قۇرلىعىنداعى اسكەري- ساياسي جانە الەۋمەتتىك- ەكونوميكالىق داعدارىس جاي- كۇيى ءسوز بولادى. جيىن بارىسى جايلى تورتكۇل دۇنيەگە حابار تاراتۋ ءۇشىن 700دەن استام ب ا ق وكىلى تىركەلگەن.
www.24.kz
