بەيجىڭدە ازياداعى ءوزارا ءىس-قيمىل جانە سەنىم شارالارى كەڭەسى 5- كەڭەسىنىڭ قورىتىندىسى بويىنشا بىرلەسكەن دەكلاراتسيا قابىلدانادى
بۇل تۋرالى بريفينگتە ق ح ر س ءى م ەۋرازيا ىستەرى بويىنشا دەپارتامەنتىنىڭ ديرەكتورى گۋي تسۋنيۋ (Gui Congyou) مالىمدەدى.
ونىڭ سوزىنە قاراعاندا، ا و س ش ك سىرتقى ىستەر مينيسترلەرى كەڭەسىنىڭ وتىرىسى «ديالوگ ارقىلى قاۋىپسىزدىكتى قامتاماسىز ەتۋ» تاقىرىبىندا وتەدى. جيىن سوڭىندا دەكلاراتسيا قابىلدانادى.
قىتايلىق ديپلومات ا و س ش ك قازاقستان پرەزيدەنتى نۇرسۇلتان نازاربايەۆتىڭ باستاماسىمەن قۇرىلعانىن ەسكە سالدى. ەلباسى بۇل ۇسىنىستى 1992-جىلى 5- قازاندا ب ۇ ۇ باس اسسامبلەياسىنىڭ 47- سەسسياسىندا ۇسىندى.
ونىڭ سوزىنە قاراعاندا، ا و س ش ك قۇرىلعان 20 جىلدان استام ۋاقىتتا ونىڭ مۇشەلەرىنىڭ سانى مەن ىقپال ەتۋ ايماعى ۇلعايىپ كەلەدى.
«ا و س ش ك ازيا ەلدەرى اراسىنداعى ءوزارا سەنىم، ديالوگ جانە ىنتىماقتاستىقتى دامىتۋداعى ماڭىزدى پلاتفورماعا اينالدى. بۇل وڭىرلىك قاۋىپسىزدىكتى قامتاماسىز ەتۋدىڭ جانە ديالوگتىڭ، سونىمەن قاتار ماسەلەلەردىڭ شەشىمىن تابۋ مەن ءبىرىڭعاي قاۋىپسىزدىك ساۋلەتىن قۇرۋدىڭ مەحانيزمى»، - دەپ اتاپ ءوتتى ديپلومات.
ول 1992-جىلدان 2010-جىلعا دەيىن ا و س ش ك- تە قازاقستان، 2010-2014-جىلدارى تۇركيا ءتوراعالىق ەتكەنىن ايتتى. 2014-جىلدان 2018-جىلعا دەيىن ءتوراعالىق قىتايعا ءوتتى.
«2014-جىلدىڭ مامىرىندا شاڭحايداعى ا و س ش ك سامميتىندە ق ح ر ءتوراعاسى شي جينپيڭ ازيالىق قاۋىپسىزدىكتى قۇرۋدىڭ تۇجىرىمدپاماسىن العا جىلجىتتى. بۇل - ا و س ش ك- گە ءتوراعالىق ەتكەن جىلدارداعى قىتايدىڭ تاريحي ۇلەسى. ءبىز ازياداعى قاۋىپسىزدىكتى جاڭا دەڭگەيگە كوتەردىك، ا و س ش ك ىسكەرلىك جانە جاستار كەڭەسى قۇرىلۋىنىڭ ۇلىقتاۋ ءراسىمى ءوتتى، سونىمەن بىرگە ا و س ش ك 4- بيزنەس- فورۋمى، ا و س ش ك ءبىرىنشى ۇكىمەتتىك ەمەس فورۋمى، ا و س ش ك كۇنىن بەكىتۋ بويىنشا شارالار ءوتتى»، - دەپ اتاپ ءوتتى گۋي تسۋنيۋ.
قىتايلىق ديپلومات قازىر 26 مەملەكەت (اۋعانستان، ازەربايجان، باحرەين، بانگلادەش، ۆەتنام، مىسىر، ءۇندىستان، يراك، يزرايل، يوردانيا، يران، قازاقستان، كاتار، كامبودجا، قىتاي، قىرعىزستان، موڭعوليا، پاكىستان، پالەستينا، كورەيا رەسپۋبليكاسى، رەسەي، ب ا ءا، تاجىكستان، تايلاند، تۇركيا، وزبەكستان) ا و س ش ك- كە مۇشە ەكەنىن، 12 ەل مەن حالىقارالىق ۇيىم - بايقاۋشى (بەلارۋس، يندونەزيا، شري-لانكا، ۋكراينا، ا ق ش، جاپونيا، مالايزيا، فيليپپين، ب ۇ ۇ، ە ق ى ۇ، تۇركپا، اراب مەملەكەتتەر ليگاسى) ەكەنىن اتاپ ءوتتى.
