رەسەي اسكەريلەرى 5 مايمىل ساتىپ الماقشى

استانا. قازاقپارات - رەسەيدىڭ قورعانىس مينيسترلىگىنىڭ عىلىمي- زەرتتەۋ ينستيتۋتتارىنىڭ ءبىرى بەس ماكاكا - مايمىلىن ساتىپ الۋدى كوزدەپ وتىر.

بۇل تۋرالى رەسەيلىك ت ا س س اگەنتتىگى حابارلادى.

مەملەكەتتىك ساتىپ الۋلار سايتىنداعى قۇجاتتامادا مايمىلداردىڭ جالپى قۇنى 1,5 ميلليون رۋبل دەپ كورسەتىلگەن.

تاپسىرىس بەرۋشى كيروۆ قالاسىنداعى اسكەري مەكەمەنىڭ 48- ورتالىق عىلىمي زەرتتەۋ ينستيتۋتى. «دەنى ساۋ، 2010-2011 -جىلى تۋعان، اتالىقتار. ۆەتەرينارلىق كۋالىگى بولۋى ءتيىس»، - دەلىنگەن ماكاكاعا قويىلاتىن تالاپتار قۇجاتىندا.

ينستيتۋت ءبىر مايمىلدى 300 مىڭ رۋبلگە باعالاپ وتىر. بايقاۋعا قۇجاتتار قابىلداۋ 8 -ساۋىردە اياقتالىپ، اۋكسيون 15 -ساۋىردە وتكىزىلەدى.

ەسكە سالا كەتسەك، ناۋرىز ايىنىڭ باسىندا رەسەيدىڭ قورعانىس مينيسترلىگى 5 افالينا - دەلفينىن ساتىپ الماقشى بولعان. ۆەدومستۆو قاجەتتىلىگى ءۇشىن ءۇش اتالىق، ەكى ۇرعاشى كيتتارىزدىنى ساتىپ الۋعا اشىق بايقاۋ وتكىزۋ جونىندەگى اقپارات رەسمي مەملەكەتتىك ساتىپ الۋ سايتىندا جاريالاندى.

ءاربىر دەلفينگە 350 مىڭ رۋبل تولەنەدى، جالپى سوماسى 1,75 ميلليون رۋبل (8,4 ميلليون تەڭگە شاماسىندا) .