استاناداعى ەڭ قىمبات 5 پاتەر
ەلورداداعى ەليتالىق جىلجىمايتىن مۇلىكتىڭ توپ- بەستىگىنە ەسىلدىڭ سول جاق جاعالاۋىندا، ياعني قازاقستاننىڭ باس قالاسىنىڭ ىسكەري جانە ساياسي ورتالىعىندا ورنالاسقان ۇيلەر كىرىپ وتىر.
ساتىلاتىندىعى تۋرالى حابارلاندىرۋ Homsters.kz سايتىندا جاريالانعان ەڭ قىمبات پاتەر «التاير» ت ۇ ك- ىندە ورنالاسقان. التى بولمەدەن تۇراتىن، جالپى اۋماعى 404 شارشى مەتردى قۇرايتىن ءۇيدى 730 ميلليون تەڭگەگە ساتىپ الۋعا بولادى، بۇل ا ق ش دوللارىنا شاققاندا 2,13 ميلليون كولەمىندەگى قارجىنى قۇرايدى. اتالعان پاتەردىڭ ءبىر شارشى مەترىنىڭ باعاسى - 1,8 ميلليون تەڭگە ($5,3 مىڭ) . ساتۋشىلاردىڭ ايتۋىنا قاراعاندا، بۇل ءۇيدىڭ بارلىق جيھازى مەن ارلەۋگە ارنالعان قۇرىلىس ماتەريالى ۆەنەتسيادان اكەلىنگەن.
جالپى اۋماعى 701 شارشى مەترگە تەڭ «ەۆروپا پالاس» ت ۇ ك- ىندەگى ون بولمەلىك پەنتحاۋس رەيتينگتە ەكىنشى ورىن الىپ وتىر. ءۇي يەلەرى جىلجىمايتىن مۇلىك باعاسىن 728 ميلليون تەڭگە دەپ كورسەتىپتى ($2,12 ميلليون) . ءبىر شارشى مەترىنىڭ قۇنى شامامەن 1 ميلليون تەڭگە بولادى ($3 مىڭ) . پاتەردە جيھازدىڭ كەيبىر ءتۇرى قويىلعان.
«ەۆروپا پالاس» ت ۇ ك- ىندەگى تاعى ءبىر پاتەر رەيتينگتىڭ ءۇشىنشى ورنىنا يە بولدى. جالپى اۋماعى 225 شارشى مەتر بولاتىن ءتورت بولمەلىك اپارتامەنت جەراستى پاركينگىندەگى كولىك قويۋعا ارنالعان ەكى ورنىمەن بىرگە ساتىلادى. ديزاينى كلاسسيكالىق ستيلدە جاسالعان جانە ءۇي تولىقتاي جيھازبەن قامتاماسىز ەتىلگەن. پاتەر قۇنى شامامەن 347 ميلليون تەڭگە ($1 ميلليون) . ءبىر شارشى مەترىنىڭ باعاسى 1,5 ميلليون تەڭگە اينالاسىندا ($4,5 مىڭ) .
«التاير» ت ۇ ك- ىندە ورنالاسقان تىزىمدەگى كەلەسى پاتەر دە ءتورت بولمەدەن تۇرادى. بارلىق جيھازى بار جانە بىردەن كىرىپ، ءومىر سۇرە بەرۋگە بولاتىن ءۇيدى ساتىپ الۋ ءۇشىن 289 ميلليون تەڭگە قاجەت ($843 مىڭ) . جالپى اۋماعى - 212 شارشى مەتر. ءبىر شارشى مەترىنىڭ باعاسى 1,4 ميلليون تەڭگەنى قۇرايدى ($4 مىڭ) .
رەيتينگتەگى بەسىنشى ورىندى «وتەل ديپلومات» ت ۇ ك- ىندەگى بەس بولمەلىك پاتەر الىپ وتىر. پاركينگتە ەكى ورنى جانە ءتورت جۋىنۋ- دارەت الۋ بولمەسى بار ءۇيدىڭ باعاسى - 275 ميلليون تەڭگە ($802 مىڭ) . جالپى اۋماعى 420 شارشى مەترگە تەڭ. ءبىر شارشى مەترىنىڭ قۇنى 655 مىڭ تەڭگەنى قۇرايدى ($1,9 مىڭ) .
