13:01, 27 - ناۋرىز 2016 | GMT +5
يندونەزيالىق تۇرمەدەگى ءورت: 5 ادام قازا تاپتى
استانا. قازاقپارات - يندونەزيالىق سۋماترا ارالىنداعى تۇرمەدە جازاسىن وتەۋشىلەر ۇيىمداستىرعان وت سالدارىنان ەڭ كەمى بەس ادام قازا تاپتى،
دەپ حابارلادى اسسوشيەيتەد پرەسس اگەنتتىگى پوليتسياعا سىلتەمە جاساپ.
جۇما كۇنى قۇقىق قورعاۋ ورگاندارى تۇرمەدەن كريمينالدىق ورتادا بەدەلدى (الدىن الا بولجام بويىنشا ەسىرتكى ساۋداسىن باقىلاعان) اكەتكەن سوڭ ءورت شىقتى. بيلىك جازاسىن وتەۋشىلەر ەسىرتكى بارونىن قولداۋ ماقساتىندا تۇرمەنى وتقا ورادى دەپ سانايدى.
ءورت سالدارىنان بەس ادام قازا تاپتى، ءبىر ادام جاپا شەكتى. تەمىر توردىڭ ار جاعىندا جازاسىن وتەپ جاتقان 252 ادام باسقا تۇرمەگە اۋىستىرىلدى. تۇزەتۋ مەكەمەسى قىزمەتكەرلەرىنىڭ ەشقايسىسى زارداپ شەككەن جوق.
