بۇگىن، 5- قاڭتار قادىر مىرزا ءالىنىڭ تۋعان كۇنى
وسىعان وراي ورال قالاسىنداعى قادىر مىرزا ءالى اتىنداعى مادەنيەت جانە ونەر ورتالىعىندا «قازىنالى قادىر الەمى» اتتى اشىق ەسىك كۇنى ۇيىمداستىرىلىپ وتىر.
ورتالىق ديرەكتورى، بەلگىلى ءانشى-كومپوزيتور، قازاقستاننىڭ ەڭبەك سىڭىرگەن قايراتكەرى دونەدىل قاجىموۆتىڭ ايتۋىنشا، 11:00 دەن كەشكى 22:00 گە دەيىن سوزىلاتىن شارالار الدىمەن اقىن ەسكەرتكىشى جانىندا «سۇلۋ ءسوزدىڭ سايگۇلىگى» اتتى قادىر وقۋلارىمەن باستالادى.
سودان كەيىن اقىننىڭ مەموريالدىق مۋزەيىندە ۇزەڭگىلەس جولداستارى مەن ءىنى-قارىنداستارى قادىر تۋرالى ەستەلىكتەرىمەن بولىسەدى. «قارا ءسوزدىڭ قۇلاگەرى» اتتى تاربيە ساعاتى، قادىر كىتاپتارىنان كورمە، «بالالارعا بازارلىق» اتتى كىتاپتىڭ تانىستىرىلىمى، «سابيلەر سالەمى» اتتى ادەبي-مۋزىكالى كەش، «قازىنالى قادىر الەمى» اتتى مەرەكەلىك قورىتىندى كونسەرت كەشكىسىن مۋزەي تۇنىنە ۇلاسادى.
ەسكە سالا كەتەيىك، وتكەن جىلى قادىر مىرزا ءالىنىڭ 80 جىلدىعىنا وراي ورال قالاسى مەن تۋعان جەرى جىمپيتى اۋىلىندا اقىننىڭ قوس بىردەي ەسكەرتكىشى، وبلىس ورتالىعىندا مادەنيەت جانە ونەر ورتالىعى اشىلعان بولاتىن.
اۆتور: ەلجان ەرالى
