ۇشاق اپاتىنان 5 ادام كوز جۇمدى

استانا. قازاقپارات - كاليفورنيا شتاتىنىڭ بيلىگى جەڭىل موتورلى ۇشاقتىڭ اپاتقا ۇشىراپ، سالدارىنان 5 ادامنىڭ قازا تاپقانىن حابارلادى، دەپ جازادى شەتەلدىك ب ا ق.

بەلگىلى بولعانداي، سان-حوسە قالاسىنان لاس-ۆەگاس اۋەجايىن بەتكە الىپ شىققان ۇشاق راداردان جوعالىپ كەتكەن.

كەيىنىرەك ۇشاقتىڭ سىنىقتارى كاليفورنيانىڭ بەيكەرسفيلد قالاسىنىڭ ماڭىنان تابىلدى. قۇتقارۋشىلار سىنىقتاردىڭ استىنان 5 ادامنىڭ دەنەسىن الىپ شىقتى.

جەرگىلىكتى پوليتسيانىڭ حابارلاۋىنشا، قازا تاپقان ادامدار تۋرالى مالىمەتتەر ءالى انىقتالعان جوق.