ق ر پرەزيدەنتىنىڭ فرانسياعا ساپارى بارىسىندا 5 ميلليارد دوللاردان استام قارجىعا كەلىسىمدەر مەن شارتتارعا قول قويىلماق

پاريج. قازاقپارات - بۇگىن پاريجدە ق ر پرەزيدەنتى نۇرسۇلتان نازاربايەۆتىڭ فرانسيا ىسكەر توپتارمەن كەزدەسۋى وتۋدە.

اتاپ ايتقاندا، ولار نەگىزىنەن فرانسۋزدىق يندۋستريالاندىرۋدىڭ ۇزدىكتەرى بولىپ تابىلادى.

مەملەكەت باسشىسى قازاقستانعا تانىتقان قىزىعۋشىلىقتارى ءۇشىن فرانسۋز بيزنەسمەندەرىنە العىسىن جەتكىزدى.

«بىرىنشىدەن، بارلىقتارىڭىزعا، ءىرى كومپانيالاردىڭ باسشىلارىنا ءبىزدىڭ رەسپۋبليكاعا تانىتقان قىزىعۋشىلىقتارىڭىز ءۇشىن العىسىمدى ايتقىم كەلەدى. كوپشىلىگىڭىز بۇگىندە قازاقستاندا جۇمىس ىستەپ جاتىرسىزدار جانە ءبىزدىڭ ەلىمىزدىڭ ۇزاقمەرزىمدى پرەسپەكتيۆالى دامۋ مۇمكىندىكتەرىن جاقسى بىلەسىزدەر»، - دەدى ن. نازاربايەۆ.

وسى ورايدا ەلباسى فرانسيانىڭ 24 كومپانياسى ەلىمىزدە 2 ميلليارد دوللاردان استام قارجىعا جوبالاردى جۇزەگە اسىرىپ جاتقاندىعىن اتاپ ءوتتى. 14 جوبامەن جۇمىس جاسالۋدا جانە 10 ى كەلەشەك ەنشىسىندە.

«تەك بۇگىنگى ساپاردىڭ ناتيجەسىندە ءبىزدىڭ بيزنەس- دەلەگاتسيالار بىرلەسكەن جۇمىس بويىنشا 5 ميلليارد دوللاردان استام سوماعا كەلىسەدى»، - دەدى ن. نازاربايەۆ.

ەستەرىڭىزگە سالا كەتەيىك، بۇگىن مەملەكەت باسشىسى ن. نازاربايەۆتىڭ فرانسياعا رەسمي ساپارى باستالدى. بۇل ساپار فرانسيا پرەزيدەنتى ف. وللاندتىڭ شاقىرۋىمەن ءوتىپ جاتىر.

اۆتور: رۋسلان عابباسوۆ