قازاقستان ارۋى بايقاۋىنىڭ جەڭىمپازى 5 ميلليون تەڭگە يەلەنەدى
پروديۋسەردىڭ سوزىنە قاراعاندا، ۇيىمداستىرۋشىلار وسىلايشا اعىمداعى جىلى وتەتىن كونكۋرستىڭ جۇلدە قورىن ارتتىرىپ وتىر.
«شىندىعىندا، بەس ميلليون تەڭگە - بۇل ايتارلىقتاي قوماقتى قاراجات، وعان ءوز بيزنەسىڭدى دە اشۋعا بولادى، جەڭىمپاز ءۇشىن مانسابىن جالعاستىرۋعا نەمەسە ءوزىنىڭ ءبىلىمىن ەلىمىزدەگى، الەمدەگى جەتەكشى ۋنيۆەرسيتەتتەردە جالعاستىرۋعا دا مۇمكىندىك بولادى. وسىنىڭ ءوزى ىنتالاندىرۋدىڭ ەرەكشەلىگى بولسا كەرەك»، - دەيدى س. جاقسىبايەۆ.
ايتا كەتەرلىگى، ۇيىمداستىرۋشىلاردىڭ اقپاراتىنا قاراعاندا، كونكۋرسقا قاتىسۋ بارشا قازاقستاندىق نازىكجاندى ارۋلار ءۇشىن تەگىن بولادى. ەڭ باستىسى ولار قازاقستان ازاماتشاسى بولۋى شارت.
«بارلىق شىعىندار كونكۋرس ديرەكسياسىنىڭ بيۋدجەتىنە ەنگىزىلگەن. ءبىز بۇنى قىزدارىمىزدىڭ بارلىعىنا تەڭدەي جاعداي جاساۋ ءۇشىن ويلاستىرىپ وتىرمىز»، - دەيدى ول.
ەسكە سالا كەتەيىك، «قازاقستان ارۋى-2015» 19 جىل سايىنعى ۇلتتىق كونكۋرسى استانا قالاسىندا 10- جەلتوقساندا وتەدى. جەڭىمپاز ارۋ س م س (كەلتە حات) حابارلاما ارقىلى حالىقتى دا قاتىستىرۋ جولىمەن ايقىندالماق.
اۆتور: قانات مامەتقازى ۇلى
