قازاقستان اسكەري- تەڭىز كۇشتەرىنىڭ كەمەلەرى كاسپيدە 5 كۇندىك وقۋ- جاتتىعۋىن باستادى
بۇل ۋاقىت ارالىعىندا اسكەري تەڭىزشىلەر سۋدىڭ تەرەڭدىگىنە قاراي كۇندىزگى جانە تۇنگى ۋاقىتتا ىزدەستىرۋ- قۇتقارۋ جۇمىستارىن جۇرگىزۋ شەبەرلىگىن شىڭداپ، كاسپي تەڭىزىنىڭ قازاقستاندىق سەكتورىنداعى اۋماعىن ءجۇزىپ وتەدى.
بۇل تۋرالى ق ر ق م باسپا ءسوز قىزمەتى حابارلادى.
قازاقستان اسكەري- تەڭىز كۇشتەرىنىڭ (ءا ت ك) ءاربىر كەمەسى 901,6 تەڭىزدىك ميل (شامامەن 1700 كيلومەتر) قاشىقتىقتى ءجۇزىپ وتەدى. ق ر ق ك اسكەري- تەڭىز كۇشتەرى قولباسشىسى باسقارماسىنىڭ مالىمەتىنشە، اتالعان وقۋ- جاتتىعۋ قازاقستاننىڭ ءا ت ك اسكەري دايارلىق باعدارلاماسىندا قاراستىرىلعان. ول تۇراقتى اسكەري دايىندىقتى قولداۋعا جانە اسكەريلەردىڭ تەڭىزدەگى داعدىلارىن ارتتىرۋعا ارنالعان. ونىڭ اياسىندا تەڭىزشىلەر كاسپي تەڭىزىنىڭ قازاقستاندىق اۋماعىنداعى سۋدىڭ استى- ۇستىندەگى احۋالدى زەرتتەيدى.
سونداي- اق، جاعالاۋعا جاقىن ءجۇزۋ، ناۆيگاتسيالىق قاۋىپتەردى ەڭسەرۋ، 30-40 مەترگە ياكور تاستاۋ، اسكەري كەمەنىڭ قارۋ- جاراعىنان ارتيللەريالىق وق اتۋدى ورىندايدى.
ايتا كەتەيىك، بۇگىنگى تاڭدا اسكەري- تەڭىز كۇشتەرى مينالىق- كولىكتەر، اسكەري راكەتالىق- ارتيللەريالىق كەمەلەرمەن قامتىلعان. 2020 -جىلعا دەيىن كەزەڭ بويىنشا دامىتۋ جوسپارىنا سايكەس اسكەري- تەڭىز كۇشتەرىن قوسىمشا زاماناۋي كەمەلەر مەن كومەكشى قايىقتارمەن جاراقتاۋ جوسپارلانىپ وتىر.