قىتاي تۇرمەلەرىندەگى 5 قازاقستان ازاماتى ەلگە قايتارىلدى
ەندى ولار جازاسىن ءوز ەلىمىزدەگى تۇزەۋ مەكەمەلەرىندە وتەيدى.
بۇل تۋرالى ەلىمىزدىڭ قىتايداعى توتەنشە جانە وكىلەتتى ەلشىسى شاحرات نۇرىشيەۆ مالىمدەدى. قازىر قىتاي اباقتىلارىندا 15 قازاقستان ازاماتى بار. وسى جولى پرەزيدەنت نۇرسۇلتان نازاربايەۆتىڭ قىتايعا مەملەكەتتىك ساپارى بارىسىندا ەكى ەلدىڭ قۇزىرلى ورگاندارى سوتتالعان ازاماتتاردى قايتارۋ جونىندەگى شارتتىڭ كۇشىنە ەنۋى تۋرالى قۇجاتتارمەن الماسقان.
الايدا قىتايدا ەسىرتكى تاسىمالداعانى ءۇشىن ءومىر بويى باس بوستاندىعىنان ايىرىلعان قازاقستاندىق ستۋدەنت اقجارقىن تۇرلىبايدى قايتارۋ ءۇشىن ءالى دە ۋاقىت قاجەت.
شاحرات نۇرىشيەۆ، قازاقستاننىڭ ق ح ر توتەنشە جانە وكىلەتتى ەلشىسى:
- اقجارقىنعا قاتىستى ايتار بولساق، ءبىز ەلشىلىك بۇل ىسكە تۇراقتى كومەك كورسەتۋدەمىز. ءالى دە جۇمىستى جالعاستىرا بەرەمىز. بىردەن الىپ كەتۋ مۇمكىندىگى بولمايدى. سوت ۇكىمى شىقتى. ءبىزدىڭ تاراپ، اقجارقىننىڭ قورعاۋشىلارى شەشىمگە قارسى شاعىمداندى، ونى قايتادان قاراۋى ءتيىس. سودان كەيىن قىتاي باس پروكۋراتۋراسى جانە ادىلەت مينيسترلىگىمەن جۇمىس ىستەپ، ونى قازاقستانعا قايتارۋعا كۇش سالامىز.
ەستەرىڭىزگە سالا كەتەيىك، بۇل جولى ەكستراديتسيالانعان 5 قازاقستان ازاماتى كورشى ەلدە ءتۇرلى قىلمىس جاسادى دەپ ايىپتالعاندار. ولاردىڭ ىشىندە ءولىم جازاسى مەن ءومىرىنىڭ سوڭىنا دەيىن باس بوستاندىعىنان ايىرىلعاندار دا بار.
www.24.kz