جاقسى ايەل مىنا 5 نارسەنى جاسامايدى
ارينە بۇل سۇراققا مىڭ سان جاۋاپ بار. الايدا ءار ادام قايتالانباس تۇلعا ەكەنى ءمالىم. كەز-كەلگەن ادامنىڭ جاقسى تۇستارىمەن قاتار كەمشىلىكتەرىنىڭ دە بولۋى زاڭدى. وتباسىنىڭ بەرىكتىگى دە سول ەكى جاننىڭ مىنەز- قۇلقىنا بايلانىستى، اسىرەسە ايەل زاتىنىڭ.
سول سەبەپتى «سۇيىكتى جار، سىيلى كەلىن، اياۋلى انا» اتانىپ، شاڭىراعىڭىزدىڭ بەرىك بولۋىنا سەپتىگىن تيگىزەر كەلەسى كەڭەستەردى ۇسىنامىز.
سونىمەن، جاقسى ايەل:
1. «ىزىڭدامايدى». كۇيەۋىنە ءاردايىم جەكىپ، ۇرسىپ، «ىزىڭداي» بەرەتىن ايەلدەن ەركەك «قاشادى». ۇنەمى قۇلاقتىڭ ەتىن جەي بەرەتىن ايەلدەر ەركەكتى مەزى ەتەدى. سوندا ءتىپتى كەيبىر ەركەكتەر قاتىگەزدىك تانىتىپ، قول كوتەرۋگە دەيىن بارادى. ارا قاتىناستارى سۋيدى.
2. شاعىم جاسامايدى. كۇيەۋىنە «سەن سوندايسىڭ» دەپ ءمىن تاعىپ، كۇڭىرەنە بەرەتىن ايەلدەن دە ەر ادامنىڭ كوڭىلى قالىپ «ەي، قويشى، ساعان ەشقاشان جاقپايسىڭ» دەپ قولىن ءبىر- اق سىلتەيدى.
3. وسەك ايتپايدى. ايەل زاتىنىڭ وزدەرى وڭاشا قالعاندا بولعان جايلاردى بۇگە- شىگەسىنە دەيىن تاپتىشتەپ وتىرىپ وسەك ايتقاندى ۇناتاتىنى بار. جارىڭىزدى وزگەلەرگە جامانداپ ابىروي تاپپايسىز. مۇنى بىلگەن كۇيەۋىڭىزدىڭ ساعى سىنىپ، سىزگە دەگەن سەزىمى سالقىنداپ كەتۋى مۇمكىن.
4. قۇرمەتسىزدىك تانىتپايدى. ەر ادام ەڭ الدىمەن ايەلىنىڭ ءوزىن سىيلاعانىن قالايدى. ولاردىڭ تۇسىنىگىندە «سىيلايدى، دەمەك مەنى جاقسى كورەدى» دەگەن قاعيدا قالىپتاسقان. سىيلاستىق ونىڭ پىكىرىن باعالاۋ، اقىلىن تىڭداۋ، سويلەپ جاتقاندا ءسوزىن بولمەۋ، ماڭىزدى شەشىم قابىلداعاندا ەرىڭىزدىڭ پىكىرىن ءبىرىنشى ورىنعا قويۋ دەگەن ءسوز.
5. وزگەلەردى كۇيەۋىنەن جوعارعى ورىنعا قويمايدى. ەر كىسى وتباسىنىڭ باسشىسى، سوندىقتان ايەل «وتاعاسى» دەگەن ءسوزدى جادىندا مىقتاپ ۇستاۋى ءتيىس. ايەلدىڭ دوستارىن، كارەرانى، تۋىستارىن كۇيەۋىنەن ارتىق كورۋىنەن ۇيدە تۇسىنىسپەۋشىلىكتەر، ۇرىس- كەرىس باستالادى.
كەز- كەلگەن ەر ادامعا جىلى ءجۇزدى، جايدارى، مەيىرىمدى، قولى اشىق، ەرىنىڭ ايتقانىن تىڭداي وتىرىپ اقىلشىسى ءارى سىرلاسى بولا بىلەتىن ايەلدەر ۇنايتىنىن ەستەن شىعارماڭىز.
اللا تاعالا بارشاڭىزعا جاقسى ايەل بولۋدى جازسىن.
« mazhab.kz»
