وسكەمەندە بەينەباقىلاۋ كامەرالارىنىڭ ارقاسىندا 5 مىڭنان استام قۇقىق بۇزۋشىلىق انىقتالدى

وسكەمەن. قازاقپارات - وسكەمەندە اعىمداعى جىلدىڭ باسىنان جەدەل باسقارۋ ورتالىعىنىڭ كامەرالارىنىڭ كومەگىمەن 5 مىڭنان استام اكىمشىلىك قۇقىقبۇزۋشىلىق انىقتالدى.

ولاردىڭ قاتارىندا ۇساق بۇزاقىلىق، جولدا ءجۇرۋ ەرەجەسىن بۇزۋ، قوعامدىق ورىنداردا ىشىمدىك ءىشۋ، قالا كوشەلەرىن لاستاۋ سياقتى ءتارتىپ بۇزۋشىلىقتار بار.

بەينەكامەرالار ارقىلى 72 قىلمىستىڭ بەتى اشىلدى: 58 بۇزاقىلىق، 4 توناۋ، 1 ۇرلىق جانە وزگە دە قۇقىق بۇزۋشىلىقتار.

ماسەلەن، 16 -شىلدەدە، تۇنگى ساعات 3 تە كرىلوۆ كوشەسىنىڭ بويىندا ەكى ادام «ۆاز 2106» كولىگىن ايداپ اكەتپەك بولعان. بەينەباقىلاۋ كامەرالارى جول- پاترۋلدىك پوليتسيا قىزمەتكەرلەرىنە قىلمىستى جاساماق بولعان 21 جاستاعى قالا تۇرعىندارىن ۇستاۋعا كومەكتەستى. كولىكتى ايداپ اكەتپەك بولعانى ءۇشىن ولار قىلمىستىق جاۋاپكەرشىلىككە تارتىلدى، دەپ حابارلادى وبلىستىق ءى ءى د.