قوستاناي وبلىسىندا 5 قاباتتى ءۇيدىڭ بيىكتىگىنە تەڭ قۇيىن بولىپ، نوسەر جاۋدى - فوتو
«ءبىر ۋاقىتتا سپارتاكيادانىڭ بارلىق كورەرمەندەرى 5 قاباتتى ءۇيدىڭ بيىكتىگىنە تەڭ قارا قۇيىننىڭ ستاديونعا قاراي جاقىنداپ كەلە جاتقانىن بايقاپ قالدى. ءبارى قاشا باستادى. كەيبىرى قاشىپ ۇلگەرمەدى. جەلدەن ساۋدا شاتىرلارى قيراپ، كوپ ادامدار مانگالدان ۇشقان كومىردەن كۇيىپ قالدى. ءبىر قىزدى قۇيىن وزىنە تارتىپ اكەتتى. ول كوپتەگەن دەنە سىنىقتارىن الدى دەيدى. كەيىن قۇيىن عيماراتتىڭ قابىرعاسىنا سوعىلىپ، عايىپ بولدى. وقيعا ورنىنا جەتكەن جەدەل جاردەم 15 ادامدى الىپ كەتتى»، - دەيدى سارىكول تۇرعىنى كريستينا بيلاك «كوستانايسكيە نوۆوستي» پورتالى.
سارىكول اۋداندىق ەمحاناسىنان قىز بالانىڭ قانشالىقتى اۋىر جاراقات العانىن انىقتاپ ءبىلۋ ازىرگە مۇمكىن بولمادى.
ال ليساكوۆ قالاسىندا قاتتى نوسەر كوشەلەردى سۋ الابىنا اينالدىردى دەپ حابارلادى Qostanay.tv. جارتى مەتر بيىكتىككە دەيىن بارعان سۋ كەي كولىكتەردىڭ نومىرلەرىن شايىپ اكەتكەن.
ليساكوۆ كومۋنالدى قىزمەت وكىلدەرى توتەنشە جاعداي ورىن العانىن حابارلادى. تۇرعىندار نوسەر اعاتىن شۇڭقىرلاردىڭ دۇرىس ورناتىلماعانىن العا تارتۋدا.
ال رىسباي اۋىلىنىڭ تۇرعىندارى ديامەترى 2 سانتيمەترگە دەيىن جەتەتىن بۇرشاق جاۋعانىن ايتۋدا دەپ جازدى «ناشا گازەتا». تۇرعىندارعا ءۇي قۇستارىن قۇتقارىپ، ولاردى جىلىندىرۋعا تۋرا كەلگەن.
