بوكستان ازيا چەمپيوناتى: ءبىزدىڭ جاسوسپىرىمدەر قورجىنىندا 5 التىن مەدال

استانا. قازاقپارات - ءبىزدىڭ جاسوسپىرىمدەر ازيا چەمپيوناتىندا 5 التىن، ءبىر كۇمىس جانە 5 قولا مەدالداردى جەڭىپ الدى، دەپ حابارلادى قازاقستاندىق بوكس فەدەراتسياسىنىڭ باسپا ءسوز قىزمەتى.

تاشكەنتتە وتكەن التىن جۇلدە ءۇشىن وتكەن فيانلدىق سايىستاردا قۇرلىقتىڭ جاڭا چەمپيوندارىنىڭ ەسىمدەرى اتالدى.

قازاقستان جالپى كوماندالىق ەسەپتە وزبەكستان كومانداسىنان كەيىن ەكىنشى ورىنعا يە بولدى. چەمپيونات قوجايىندارى وزدەرىنىڭ دايارلىعىنىڭ جوعارى دەڭگەيىن كورسەتتى. وزبەك سپورتشىلارى فينالدا 13 سالماق ساناتىنىڭ بارلىعىنا دا قاتىستى.

 قازاقستاندىق الىبەك دوسانوۆ (46 كەلى)، داۋلەت نىسان (50 كەلى)، ساناتالي تولتايەۆ (54 كەلى)، ابىلاي يبرايموۆ (60 كەلى) جانە الديار تۇرسىنالي (60 كەلى) ازيا چەمپيوندارى اتاندى.

كۇمىس مەدالعا حۋرشەدشوح يسكانداروۆ (80 كەلى) يە بولدى.

 قولا جۇلدەلەرگە راحات سەيىتجان (48 كەلى)، ايبول جاڭبىرباي (63 كەلى)، داۋلەت زاۋشيەۆ (70 كەلى)، ەلحان تابىنباي (75 كەلى) جانە نۇرداۋلەت ۇلان ۇلى (+80 كەلى) قول جەتكىزدى.