الەمنىڭ ەڭ قىمبات 5 پاتەرى - فوتو

استانا. قازاقپارات - الەمنىڭ ەڭ قىمبات 5 پاتەرى تۋرالى مالىمەتتەردى trendymen.ru سايتى نازارلارىڭىزعا ۇسىنادى.

1. One57 Penthouse

قالا: نيۋ- يورك

باعاسى: 100,5 ميلليون دوللار

كوك تىرەگەن One57 عيماراتى مانحەتتەندەگى ەڭ ءساندى قۇرىلىستاردىڭ بىرىنە جاتادى. سول سەبەپتى، ونىڭ پاتەرلەرى نيۋ-يوركتەگى ەڭ قىمبات پاتەرلەر قاتارىندا. اتالمىش جەردەن پاتەردى بەلگىسىز بىرەۋ 2014-جىلى ساتىپ الىپتى.

ساتىپ الۋشىعا 2 قاباتتان قۇرالاتىن اۋدانى 1000 شارشى مەتردەن استام پاتەر بەرىلدى. ىشىندە 6 جاتىن بولمەسىنەن وزگە 17 مەترلىك قوناق ءۇي بولمەسى، اينەكپەن قورشالعان باقشا، باسسەين بار.

2. CitySpire Penthouse

قالا: نيۋ-يورك

باعاسى: 100 ميلليون دوللار

بۇل پەنتحاۋس 85 قاباتتى عيماراتتىڭ 3 قاباتىن ءبىراق العان. ونىڭ قوجايىنىندا 6 جاتىن بولمەسىنە كوتەرەتىن جەكە ليفت، 9 جۋىناتىن بولمە، 20 ورىندىق اسحانا، كوفەرەنتس-زال، مەدياورتالىق، ءتىپتى گالەرەياسى بولادى. اۋدانى 475 شارشى مەتر.

بۇل بولمەلەردىڭ بارلىعى 73,74 قاباتتارعا كىرەدى. سوڭعى قابات - پاتەر قوجايىنىنىڭ جەكە كەڭىستىگى. بۇدان وزگە قوسىمشا قىزمەتكەرلەرگە ارنالعان بولمەلەر مەن 1000 شاراپ قۇتىسى سياتىن شاراپ قويماسىنا تاعى ءبىر قابات بولىنگەن.

3. Pierre Hotel Penthouse

قالا: نيۋ-يورك

قۇنى: 125 ميلليون دوللار

بۇل پەنتحاۋستىڭ يەسىنە 38 قاباتتان 39- قاباتىنا جەتكىزىپ سالاتىن جەكە ليفت بەرىلەدى. CitySpire پەنتحاۋسى سياقتى Pierre Hotel-دە دە 3 قابات. قوناق ءۇي 1930-جىلدىڭ ءستيلىن زاماناۋي ديزاينمەن ۇتىمدى بىرىكتىرگەن.

بۇل پاتەردە 16 جاتىن بولمەسى، 4 اس ءۇي، 4 الاۋ وشاق بار. سونىمەن قاتار شۆەد مونشاسى مەن ورتالىق ساياباققا ادەمى كورىنىس پاتەر يەسىنىڭ دەمالۋىنا سەپتىك بولادى.

4. One Hyde Park Penthouse

قالا: لوندون

قۇنى: 200 ميلليون دوللار

پەنتحاۋستار سانى بويىنشا نيۋ-يورك ءسوزسىز الدىڭعى قاتاردا. دەسەكتە ەڭ قىمبات كەلەسى پاتەر لوندوندا جايعاسقان. One Hyde Park رەزيدەنتسياسىنا 4 بىردەي كوك تىرەگەن عيمارات كىرەدى. بارلىعى دا بىردەي ولشەممەن جاسالعان: 5 جاتىن بولمەسى، 2 جۇمىس بولمەسى، سپورتزالى جانە كۇندىز-ءتۇنى جۇمىس ىستەيتىن قىزمەتكەرلەرى بار 1600 شارشى مەتر پاتەرلەر.

كۆارتيرا 10

جەكە Heston Blumental رەستورانى مەن شاراپ ءدامىن كورەتىن بولمە ءار پاتەرگە مىندەتتى تۇردە كىرەدى. پاتەر قوجايىندارىنىڭ قاۋىپسىزدىگىن بريتاندىق ارنايى اۋە ساربازدارى قاماتاماسىز ەتەدى. سونىمەن قاتار پاتەردىڭ اينەكتەرىنەن وق وتپەيدى.

5. Sky Penthouse

قالا: موناكو

باعاسى: 387 ميلليون دوللار

ەگەر ءسىز بۇل پەنتحاۋستىڭ قوجايىنى بولساڭىز، ءسىزدى ويلانباستان حانزادا اۋلەتىنە نەمەسە ترانسۇلتتىق بيزنەس وكىلىنە جاتقىزادى. بۇل قىمبات پاتەردىڭ تەرەزەسىنەن لارۆوتتو جاعاجايىنا، ليگۋري تەڭىزىنە جانە موناكونىڭ وزىنە عاجايىپ كورىنىس اشىلادى. پەنتحاۋستا 6 جاتىن بولمەسى بار. ول جەردەن جەرورتا تەڭىزىنىڭ كورىنىسىن تاماشاي الاسىز.

پاتەردىڭ تۇنىق باسسەينىنە سىرعىپ ءتۇسۋدىڭ ءوزى ءبىر توبە. ءسىزدىڭ قوجالىعىڭىزدا ءمارماردان، قولادان جانە اعاشتان سالىنعان 3000 شارشى مەتر ءۇي بولادى.

Nur.kz