الماتى اكىمدىگىنە زاڭسىز باسىپ كىرگەن ازامات 5 جىلعا سوتتالدى
بۇل تۋرالى قالالىق سوتتىڭ باسپا ءسوز قىزمەتىنەن حابارلادى.
«جازالاۋ ۇكىمىن شىعارار الدىندا سوت بۇعان دەيىن الماتى وبلىسىنىڭ ىلە اۋداندىق سوتىنىڭ رىچكوۆقا قاتىستى 2014 -جىلدىڭ 21 - قاڭتارىندا شىعارعان سوت ۇكىمىن ەسكەردى. وندا ايىپتالۋشى ق ر 1997 -جىلعى ق ك 175-بابى (3- تارماقتىڭ «ب» پۋنكتى)، 24-بابىنىڭ 3- تارماعى جانە 175-بابىنىڭ 3- تارماعىنىڭ «ب» پۋنكتى بويىنشا شارتتى تۇردە 4 جىلعا باس بوستاندىعىنان ايرىلعان بولاتىن.
بۇل جەردە ق ك 63-بابىنا سايكەس، سىناق مەرزىمى 3 جىلدى قۇراعان» دەلىنگەن مالىمدەمەدە.
ق ر ق ك 60-بابىنىڭ 1,4 تارماعىن قولدانا وتىرىپ، سوت وسى جارتىلاي وتەلمەگەن جازانى قوسىپ، ە. رىچكوۆتى بەس جىلعا باس بوستاندىعىنان ايىردى. ول ەندى جازاسىن جالپى تارتىپتەگى تۇزەتۋ كولونياسىندا وتەيتىن بولادى.
ۇكىم ءالى زاڭدى كۇشىنە ەنگەن جوق.
ايتا كەتەلىك، 2015 -جىلدىڭ 13 -قاڭتارىندا كۇندىز 11 ساعات 25 مينۋتتا رىچكوۆ ىشىنە جارىلعىش زاتقا ۇقساس زات سالىنعان سومكەمەن قالا اكىمدىگىنىڭ ىشىنە كىرەدى. ءسويتىپ ازاماتتاردى قابىلدايتىن بولمەگە ەنىپ، ىشىنەن جاۋىپ الادى. كەيىن كۇزەتشىگە عيماراتتان ادامداردىڭ تەز ارادا سىرتقا شىعارىلۋى كەرەكتىگىن، قولىندا جارىلعىش زات بار ەكەندىگىن، سوندىقتان باسشىلىقتىڭ كەلىسسوزگە دايىندالۋى كەرەكتىگىن ەسكەرتەدى.
الايدا كەلىسسوزدەردىڭ ارقاسىندا 13 ساعات 35 مينۋتتا ە. رىچكوۆ ءوز ەركىمەن بولمەدەن شىعادى. پوليتسيا قىزمەتكەرلەرى ونى تۇتقىندادى.
اۆتور: جاپپاربەرگەن ايبوتا
