قازاقستان ريم پاپاسى فرانتسيسكتى الەمدىك جانە ءداستۇرلى دىندەر ليدەرلەرىنىڭ 5 - سەزىنە قاتىسۋعا شاقىردى

None
None
استانا. قازاقپارات - 20- اقپاندا قازاقستان رەسپۋبليكاسىنىڭ پرەزيدەنتى ن. نازاربايەۆتىڭ ارنايى ۋاكىلى، پارلامەنت سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى يكرام ادىربەكوۆ ۆاتيكاننىڭ مەملەكەتتىك حاتشىسى پەترو پارولينمەن كەلىسسوز جۇرگىزدى جانە الداعى الەمدىك جانە ءداستۇرلى دىندەر ليدەرلەرىنىڭ V سەزىنە قاتىسۋعا ريم پاپاسى فرانتسيسككە، مەملەكەتتىك حاتشى پەترو پارولينگە جانە كاردينال جان لۋي تورانعا شاقىرۋدى تابىس ەتتى.

ءدىني فورۋم 2015-جىلعى 10-11- ماۋسىمدا استانادا بولادى.

سەناتور سەزگە جان-جاقتى قولداۋ بىلدىرگەنى ءۇشىن مەملەكەتتىك حاتشى مەن ۆاتيكاننىڭ جوعارى باسشىلىعىنا ريزاشىلىق ءبىلدىردى جانە قازاقستان رەسپۋبليكاسى مەن ۆاتيكان اراسىنداعى ديپلوماتيالىق قاتىناستار ءوزارا تۇسىنىستىك پەن سەنىمگە نەگىزدەلگەن سىندارلى ءىس-قيمىلدىڭ ونەگەسى بولىپ تابىلاتىنىن اتاپ ءوتتى.

«قازاقستان - 100 دەن استام ۇلت پەن 17 كونفەسسيا وكىلدەرى بەيبىت جانە كەلىسىممەن ءومىر سۇرەتىن كوپ ۇلتتى ەل. قازاقستان حالقى اسسامبلەياسى ۇلتارالىق جانە ءدىنارالىق كەلىسىمدى نىعايتۋدا زور ءرول اتقارادى. قازاقستان ءۇشىن تولەرانتتىق قاعيداسى مەملەكەتتىك ساياساتتىڭ اجىرامايتىن بولشەگى بولىپ وتىر. وركەنيەتتەر ءۇن قاتىسۋىنداعى باتىس پەن شىعىس اراسىنداعى ءوزارا ءىس-قيمىلدى نىعايتۋعا ۇمتىلىس ءبىزدى قاناتتاندىرادى»، - دەپ اتاپ ءوتتى ي. ادىربەكوۆ.

مەملەكەتتىك حاتشى الەمدىك جانە ءداستۇرلى دىندەر ليدەرلەرىنىڭ V سەزىنە قاتىسۋعا شاقىرۋى ءۇشىن قازاقستان پرەزيدەنتى ن. نازاربايەۆقا العىسىن ءبىلدىردى جانە ۆاتيكان فورۋم جۇمىسىنا الداعى ۋاقىتتا دا بەلسەندى قاتىساتىنىن جەتكىزدى.

اۆتور: سەرىك قاراجان

سوڭعى جاڭالىقتار