قازاقستاندىقتار بيىل ناۋرىز مەيرامىندا 5 كۇن دەمالادى

استانا. قازاقپارات - قازاقستاندىقتار «قازاقستان رەسپۋبليكاسىنىڭ مەرەكەلەرى تۋرالى» زاڭىنا سايكەس، بيىلعى ناۋرىز مەرەكەسىنە وراي 5 كۇن دەمالادى، دەپ حابارلايدى Bnews.kz.

21-23- ناۋرىز اپتانىڭ سوڭعى كۇندەرىنە سايكەس كەلگەندىكتەن، مەرەكەلىك دەمالىس كۇندەرى 24-25- ناۋرىزعا اۋىستىرىلادى. سونىمەن، ەل تۇرعىندارى سەنبىدەن سارسەنبىگە دەيىن دەمالادى.

ايتا كەتۋ كەرەك، «قازاقستان رەسپۋبليكاسىنداعى مەرەكەلەر تۋرالى» زاڭىندا «مەرەكە كۇندەرى اپتانىڭ سەنبى، جەكسەنبىسىنە تۋرا كەلسە، مەرەكەلىك دەمالىس كۇندەرى كەيىنگى جۇمىس كۇندەرىنە شەگەرىلەدى» دەپ جازىلعان.