ورىنبوردا قازاق كۇرەسىنەن 5- الەم چەمپيوناتى وتەدى
دودا قازاق ەلىنىڭ تۇڭعىش استاناسى بولعان ورىنبور قالاسىندا ەۋرازيالىق ەكونوميكالىق وداقتىڭ قۇرىلۋى قۇرمەتىنە وراي وتكەلى جاتىر. قازاق كۇرەسىنەن بايراعىن جەلبىرەتكەلى جاتقان بەسىنشى الەم چەمپيوناتىنا قازاقستان قۇراماسىنان وزگە اۆستريا، ۆەنگريا، گەرمانيا، گرەكيا، ءۇندىستان، يران، يسپانيا، يتاليا، قىتاي، لاتۆيا، ليتۆا، موڭعوليا، رەسەي، تۇركيا، فرانسيا، فينليانديا، شۆەتسيا، ەستونيا جانە باسقا دا ەلدەردىڭ بالۋاندارى قاتىسادى.
ورىنبور بوز كىلەمىندە ەل نامىسىن ايدوس سەپى ۇلى (55 كەلى)، عايني كەلدىقۇلوۆ (60 كەلى)، عالىمجان ءابدىراحمانوۆ (70 كەلى)، توقتار قارقاتەروۆ (80 كەلى)، ماقسات يساقابىلوۆ (90 كەلى) جانە ايبەك نۇعىماروۆ (+90 كەلى) قورعايدى. سونىمەن قاتار 2014-جىلعى «قازاقستان بارىسى» مۇحيت تۇرسىنوۆ ابسوليۋتتى سالماق دارەجەسىندە بەلدەسەتىن بولادى. بۇل دودانىڭ باستى فاۆوريتتەرىنىڭ ءبىرى دە - وتانداستارىمىز. رەسەي قۇراماسى دا ەكى التىن مەدال الۋدى جوسپارلاپ وتىر ەكەن. ءبىرىنشى ورىننان كورىنگەن سپورتشىعا 2000 ا ق ش دوللارى بەرىلسە، ەكىنشى ورىن العان بالۋانعا - 1000 ا ق ش دوللارى، ءۇشىنشى ورىندى يەلەنگەن بوز كىلەم شەبەرى 500 ا ق ش دوللارىن يەلەنەدى.
ايتا كەتەيىك، 22- قاراشا كۇنى قازاق كۇرەسىنەن تاراز قالاسىندا «ەۋرازيا بارىسى» حالىقارالىق ءتۋرنيرى وتكەن بولاتىن. وتانداستارىمىز فينالدىق بەلدەسۋلەردە موڭعول بالۋاندارىنا ەسە جىبەرىپ، ەكىنشى ورىننان كورىنگەن-ءدى.
