12:28, 27 - قاراشا 2014 | GMT +5
سايلاۋ كەزىندە ەلدى ارانداتپاق بولدى دەگەن كۇدىكپەن 5 ادام قامالدى
استانا. قازاقپارات - مولداۆيادا ەلدەگى پارلامەنت سايلاۋى قارساڭىندا داۋ شىقتى. كيشينيەۆ قالاسىندا سايلاۋ كەزىندە جاعدايدى ۋشىقتىرىپ، قوعامدى ارانداتپاق بولدى، دەگەن كۇدىكپەن 5 ادام قاماۋعا الىندى، دەپ حابارلادى dw.de
«پوليتسيا 30- قاراشادا بولاتىن پارلامەنت سايلاۋى كەزىندە قوعامداعى تۇراقتىلىقتى بۇزباق بولدى دەگەن كۇدىكپەن 5 ادامدى ۇستادى. وسىعان بايلانىستى 15 پاتەردى ءتىنتۋ كەزىندە مولداۆا، رەسەي، تاعى باسقا دا ەلدەردىڭ ۆاليۋتاسىنداعى ءىرى سومادا قاراجات تاركىلەندى»، - دەدى كيشينيەۆ قالاسىنىڭ پروكۋرورى ۆيورەل مورار.
مۇنداي قاۋىپ تۋرالى مولداۆيا پوليتسياسىنىڭ باس ينسپەكتوراتى باستىعىنىڭ ورىنباسارى گەورگي كۆاكاليۋك تا مالىمدەمە جاساپ، سايلاۋدا ارانداتۋشىلىق جاساۋعا دايىندىق جۇرگەنىن جەتكىزدى.
