تانىمال سايقىمازاق مۇرات مۇتىرعانوۆقا 5 ميلليون تەڭگەنى قولدى قىلعانى ءۇشىن شەتەلگە شىعۋعا تىيىم سالىندى
وسىعان وراي قالالىق سوت ورىنداۋشىلارى سيرك جۇلدىزىنا ەلدەن شىعۋىنا تىيىم سالعان.
بۇل تۋرالى الماتى ارناسى حابارلايدى.
ەل-جۇرتتى كۇلكىگە قارق قىلاتىن مۇرات مۇتۇرعانوۆتىڭ كۇلۋگە شاماسى جوق. سەبەبى، موينىنداعى قىرۋار بەرەشەگى شەتەلگە شىعۋىنا تۇساۋ بولىپ وتىر.
سوت ورىنداۋشىلارىنىڭ سوزىنە سەنسەك، ءارتىس قالالىق سيرككە ميلليونداپ قارىز كورىنەدى. ال ەكى جاقتىڭ اراسىنداعى سوت تارتىسى ۇزاققا سوزىلىپ، جاقىندا نۇكتە قويىلعان.
"مۇرات مۇتىرعانوۆ - جەكە فوندتتىڭ ءبىرىنشى باسشىسى بولىپ ەسەپتەلىنەدى. سول سەبەپتى قازىرگى تاڭدا 5 ميلليون 200 مىڭ تەڭگە قارىز بولعاندىقتان، ءبىرىنشى باسشى رەتىندە قازاقستان رەسپۋبليكاسىنان شىعۋىنا تىيىم سالامىز"، - دەدى الماتى قالالىق سوت اكتىلەرىن ورىنداۋ دەپارتامەنتىنىڭ ءبولىم باسشىسى ايتۋار رايىمبەكوۆا.
ارىپتەستەرىنىڭ ايتۋىنشا، مۇتىرعانوۆ كەزىندە ءوزى باسقارعان الماتى سيركىنىڭ جانىنان قوعامدىق قور قۇرعان. وسى ۇيىم ارقىلى شەتەلدەن ءتۇرلى ارتىستەر شاقىرىپ، بايقاۋلار قويۋ ءۇشىن سيرك الاڭىن جالعا الىپتى.
الايدا، ءىس-شارالار ءوز دەڭگەيىندە ۇيىمداستىرىلماعاندىقتان كورەرەرمەن تارتىلماپتى. سالدارىنان سيرك جۇلدىزى ۇتىلىپ، قىزمەتكەرلەر جالاقىسىن ۋاقىتىلى وتەي الماعان.
"مۇتىرعانوۆ زالدى جالعا العانى ءۇشىن قارىز. ول ءوزى باسقارعان قوعامدىق قور مەن قالالىق تسيرك اراسىندا كەلىسىم شارت بولعان. اقشاسىن تولەمەگەن سوڭ سوت بولدى. سوتتا دالەلدەندى ونىڭ قارىز ەكەنى"، - دەيدى الماتى تسيركىنىڭ باس ينجەنەرى دميتري زولوتۋحين.
الايدا قازاقستاندىق سايقىمازاق بۇل سوزدەردى جوققا شىعارىپ وتىر. ول ءوزىنىڭ سيرك الدىنداعى قارىزىن مويىندار ەمەس.
"مەن ەشكىمگە قارىز ەمەسپىن. سيركتىڭ كورەرمەن زالىن جالعا الدى دەگەندى ويدان شىعارىپ وتىر ولار. الدىمەن دالەلدەسىن مەنىڭ كىنامدى. ەگەر، دالەلدەسە عانا تولەيمىن"، - دەدى قازاقستاننىڭ ەڭبەك سىڭىرگەن قايراتكەرى مۇرات مۇتۇرعانوۆ.
سيركتىڭ باسقا دا ونەرپازدارى تانىمال سايقىمازاقتىڭ بايقاۋ ۇيىمداستىرام دەپ قورىن بانكروت قىلعانىن راستاپ وتىر. سونداي-اق جاقىندا دۇركىرەتىپ توي جاساعان ءارتىستىڭ بەرەشەگىن نەگە تولەگىسى كەلمەيتىنىن دە تۇسىنەر ەمەس. ايتۋلارىنشا، سيرك ونەرىندە جۇمىس جاسايتىن مۇراتتىڭ ءبىر شوۋى 1 مىڭ ا ق ش دوللارىنان كەم ەمەس كورىنەدى.
ەستەرىڭىزگە سالا كەتسەك، مۇتۇرعانوۆ الماتى سيركىنىڭ ديرەكتورى ورىنباسارى قىزمەتىنە تاعايىندالىپ، ۇجىممەن ءتىل تابىسا الماي ءوز ەركىمەن جۇمىستان كەتكەن بولاتىن.
