قىركۇيەك ايىندا ەلىمىزدەگى جۇمىسسىزدىق دەڭگەيى 5 پايىزدى قۇرادى

استانا. قازاقپارات - ەلىمىزدىڭ ەكونوميكاسىندا 2014-جىلعى قىركۇيەكتەگى باعالاۋ بويىنشا 8,7 ميلليون ادام جۇمىسپەن قامتىلدى. ءسويتىپ، وتكەن جىلعى سايكەس كەزەڭگە قاراعاندا ولاردىڭ سانى 71 مىڭ ادامعا نەمەسە 0,8 پايىزعا كوبەيدى.

ۇلتتىق ەكونوميكا مينيسترلىگى ستاتيستيكا كوميتەتىنىڭ حابارلاۋىنشا، قىركۇيەك ايىندا جالدامالى قىزمەتكەرلەردىڭ سانى 6,1 ميلليون ادامدى قۇراعان، بۇل جۇمىسپەن قامتىلعانداردىڭ جالپى سانىنىڭ 70 پايىزى. سونىمەن قاتار، 2014-جىلعى III توقسانداعى الدىن الا دەرەكتەرى بويىنشا ءوز بەتىنشە جۇمىسپەن قامتىلعانداردىڭ جالپى سانىنان جۇمىسپەن ناتيجەلى قامتىلعاندار ۇلەسى 71,2 پايىزدى، جۇمىسپەن ناتيجەسىز قامتىلعاندار - 28,8 پايىزدى قۇراپ وتىر.

«2014-جىلعى قىركۇيەكتە جۇمىسسىزدار سانى 458,1 مىڭ ادامدى قۇراپ، جۇمىسسىزدىق دەڭگەيى 5,0 پايىز بولدى. جۇمىسپەن قامتۋ ورگاندارىندا 2014-جىلعى قىركۇيەك ايىنىڭ سوڭىنا 55,9 مىڭ ادام («جۇمىسپەن قامتۋ 2020 جول كارتاسى» باعدارلاماسىنا قاتىساتىندار قۇرامىنا ەنگىزىلگەن تۇلعالاردىڭ ەسەبىنسىز) رەسمي تىركەلگەن. تىركەلگەن جۇمىسسىزدار ۇلەسى ەكونوميكالىق تۇرعىدان بەلسەندى حالىقتىڭ 0,6 پايىزىن قۇرادى»، دەلىنگەن باسپا ءسوز بايانىندا.

اۆتور: قانات مامەتقازى ۇلى