قىتايدا «وڭتۇستىكتىڭ سۋىن سولتۇستىككە جەتكىزۋ» جوباسى بويىنشا كۇنىنە 5 ميلليون ادامدى تازا سۋمەن قامتاماسىز ەتەتىن زاۋىت سالىندى

بەيجىڭ. قازاقپارات - قىتاي استاناسىنىڭ وڭتۇستىگىندە العاشقى ءىرى كولەمدى ەلدىڭ وڭتۇستىگىنەن  سولتۇستىگىنە  جىبەرىلەتىن سۋدى تازالايتىن زاۋىت سالىندى دەپ حابارلايدى،

جەرگىلىكتى ب ا ق اتالعان كاسىپورىننىڭ ينجەنەرلىك ءبولىمىنىڭ باسشىسى جاڭ جوسيانعا سىلتەمە جاساي وتىرىپ.

«گوگۋنچجۋان زاۋىتى جۇمىستىڭ سىناق رەجىمىنەن وتكەن جانە بەيجىڭگە «وڭتۇستىك- سولتۇستىك» جوباسى اياسىندا جەتكىزىلەتىن سۋدى تازارتۋعا دايىن» - دەدى ول ءوز سوزىندە.

 ونىڭ ايتۋىنشا، زاۋىت كۇنىنە شامامەن 5 ميلليون ادامدى قامتاماسىز ەتەتىندەي 500 مىڭ كۋب. سۋ تازارتادى.

ايتا كەتەيىك، بەيجىڭ - سۋ تاپشىلىعى بار الەم قالالارىنىڭ ءبىرى. تۇرعىندار سانى 20 ميلليوننان اسادى، ال سۋ پايدالانۋ كولەمى 3.6 ميلليارد كۋب م.

چاڭجياڭنان ق ح ر سولتۇستىگىنە سۋ جىبەرۋدى قامتاماسىز ەتەتىن «وڭتۇستىك- سولتۇستىك» جوباسى ءاربىرىنىڭ ۇزىندىعى 1300 شاقىرىمدىق شىعىس، ورتالىق جانە باتىس كانالدارىنىڭ قۇرىلىسىن جوسپارلاپ وتىر. بۇل كانالدار ارقىلى ەلدىڭ سولتۇستىكتەگى قۇرعاق ايماقتارىنا 44,8 ميلليارد كۋب. م. سۋ جىبەرۋ ماقساتى بار. جوبانى 1952 - جىلى ماۋزىدۇڭ ۇسىنعان، 2002 - جىلى عانا ق ح ر (م ە م كەڭەس) ماقۇلداعان. بارلىق جۇمىس كولەمى 50-60  جىل بولدى.

قىتاي استاناسى ورتالىق كانال ارقىلى حۋبەي پروۆينتسياسىنداعى حانشۋي وزەنىندەگى دانتسزيانكوۋ سۋ قويماسىنان سۋ تارتىلماق.

اۆتور: قانات مامەتقازى ۇلى