دجەت لي ۇسىنعان ءومىردىڭ 5 ساباعى

استانا. قازاقپارات - 1. بوي ۇسىنۋشىلىق - سەنىڭ باستى قورعانىڭ

«اينالاڭدا دۇشپاندارىڭنىڭ كوبەيۋىنە سەنىڭ بولمىسىڭنىڭ تۇنشىعۋى اسەر ەتەدى. مەن ەرەكشە جان ەمەسپىن، بار بولعانى توبەلەس ونەرىنە كوپ ۋاقىتىمدى ارنادىم. ەندى نە ىستەي الاتىنىمدى كورسەتىپ ءجۇرمىن. الەمدە ءدال وسىنى جاساي الاتىن ادامدار كوپ».

2. ۇيلەسىمدىلىك كۇشتەن دە ماڭىزدى

«سوعىس ونەرىنىڭ ادامدارعا تەك اۋىرتپالىق سىيلايتىندىعىن كورسەتكەن كەزىمدە مۇڭايامىن. ماعان، ەڭ جامانى، توبەلەس ەمەستىگىن ءتۇسىندىرۋ مۇمكىندىگى بۇيىرمادى. ۇيلەسىمدىلىكتىڭ نە ەكەنىن تانىعان كەزدە عانا كەمەلدەنە تۇسەسىڭ. بۇل - ين جانە يان ۇيلەسىمدىلىگىن تانۋ، اق پەن قارانىڭ شەگىن اجىراتۋ».

3. باقىت ءاردايىم سەنىمەن بىرگە

«باقىتقا جەتەمىن دەپ الىسقا بارۋدىڭ قاجەتى جوق. ول جانىمىزدا، مىنا تىپ-تىنىش بولمەنىڭ ىشىندە. بارلىق قيىندىق سەنىڭ جۇرەگىڭدە بولعاندىقتان، ءوزىڭدى تانى. ءوزىڭنىڭ جاراتىلىسىڭا ءمان بەر. ەگەر ءوز الەمىڭدى تانىعان بولساڭ، ەش نارسەدەن قورىقپايسىڭ».

4. وزگەنىڭ سەن تۋرالى پىكىرى رەڭكىلى اۋەن عانا

«اينالاڭداعىلاردىڭ باعالاۋىن راديوقابىلداعىشتان شىققان ءسوز دەپ قانا ءبىل. «سەن مىقتىسىڭ!» ترام-پام-پام. «سەن اقىماقسىڭ!». ەگەر وزگەلەردىڭ ويى سەنى وزىڭدىكىنەن ارتىق مازالايتىن بولسا، سەن ۇلكەن قيىندىققا تاپ بولدىڭ».

5. ءولىم ساعان ءومىر سىيلايدى

«مەن ولۋگە دايىنمىن. ادام بۇگىن نەمەسە ەرتەڭ ولەتىنىن بىلگەن كەزدە ءومىردىڭ ءاربىر تاعاتىن باعالاي تۇسەدى. ءومىرىن وكىنبەيتىندەي ەتىپ وتكىزۋگە تىرىسادى».

دايىنداعان: قارلىعا بۇيەنباي

massaget.kz