14:54, 01 - قازان 2014 | GMT +5
قازاقستان بوكسشىسى جاينا الەمنىڭ 5 دۇركىن چەمپيونىنان ايلاسىن اسىرا المادى
استانا. قازاقپارات - وڭتۇستىك كورەيانىڭ ينچحون قالاسىندا ءوتىپ جاتقان 17 - ازيا ويىندارىندا قازاقستان بوكسشىسى جاينا شەكەربەكوۆا كۇمىس مەدالدى ەنشىلەدى، دەپ حابارلادى ق ر بوكس فەدەراسياسىنىڭ باسپا ءسوز قىزمەتىنەن.
«قازاقستاندىق بوكسشى قىز جاينا شەكەربەكوۆا وكىنىشكە وراي، ازيا ويىندارىنىڭ فينالدىق كەزدەسۋىندە جەڭىسكە جەتە المادى. شەشۋشى سايىستا ول ءۇندىستاندىق مەري كومعا ەسە جىبەردى» ، - دەلىنگەن حابارلامادا.
ايتا كەتەرلىگى، جاينانىڭ بۇل قارسىلاسى - الەمنىڭ بەس دۇركىن چەمپيونى.
ەرتەڭ، ەرلەر اراسىنداعى جارتىلاي فينالدىق كەزدەسۋلەر وتەدى. بۇل سىندا قازاقستان تاراپىنان 8 سپورتشى سايىسقا شىعادى.
اۆتور: مارلان جيەمباي
