ورەسكەل قاتەلىكتەرمەن شىعارىلعان 5 - سىنىپتىڭ «قازاقستان تاريحى» وقۋلىعى كەلەر جىلى جاڭارتىلادى

بۇل تۋرالى بۇگىن ەلوردادا وتكەن بريفينگتە ق ر ءبىلىم جانە عىلىم مينيسترلىگى مەكتەپكە دەيىنگى، ورتا ءبىلىم جانە اقپاراتتىق تەحنولوگيالار دەپارتامەنتىنىڭ ديرەكتورى جاڭىل جونتايەۆا ءمالىم ەتتى.

«وقۋلىق ساپاسى ۇنەمى ءبىزدىڭ نازارىمىزدا تۇراتىن ماسەلە. 3 - سىنىپ وقۋلىقتارىمەن قاتار 2 - سىنىپتىڭ اعىلشىن ءتىلى، 6 - سىنىپتىڭ ينفورماتيكا وقۋلىقتارى جاڭارتىلدى.

ال 5 - سىنىپتىڭ جالپى تاريح وقۋلىقتارىنا بايلانىستى بۇكىل اقپارات قۇرالدارىنداعى سىن-ەسكەرتپەلەر جيناقتالىپ، ارنايى جۇمىس توبى قۇرىلدى. وتكەن جىلى وسى جۇمىس توبى ءساۋىر- مامىر ايلارىندا جۇمىس جۇرگىزدى. وسىدان كەيىن تاريح ينستيتۋتىنا تاپسىرما بەرىلدى. بۇل ينستيتۋت قازىرگى تاڭدا قازاقستان تاريحىنان وقۋلىق جاسادى. ول قازىر ساراپتامادان ءوتتى»، - دەدى بريفينگ بارىسىندا ق ر ب ع م «وقۋلىق» رەسپۋبليكالىق عىلىمي-پراكتيكالىق ورتالىعىنىڭ ديرەكتورى بەيبىتگۇل كارىموۆا.

ءوز كەزەگىندە ق ر ءبىلىم جانە عىلىم مينيسترلىگى مەكتەپكە دەيىنگى، ورتا ءبىلىم جانە اقپاراتتىق تەحنولوگيالار دەپارتامەنتىنىڭ ديرەكتورى جاڭىل جونتايەۆا اتالعان وقۋلىقتىڭ كەلەسى جىلدان باستاپ 5 - سىنىپ باعدارلاماسىنا ەنگىزىلەتىندىگىن اتاپ ءوتتى.

ايتا كەتەيىك، 2010 - جىلى جارىق كورگەن 5 - سىنىپقا ارنالعان قازاقستان تاريحى وقۋلىعىندا ءبىرقاتار ورەسكەل قاتەلىكتەر جىبەرىلگەن ەدى. بۇل ماسەلە ب ا ق-تاردا كەڭىنەن تالقىعا تۇسكەن بولاتىن.

اۆتور: مارلان جيەمباي