07:52, 21 - شىلدە 2014 | GMT +5
اسىراپ العان 5 جاسار ۇلىن تۇنشىقتىرىپ ءولتىردى
استانا. قازاقپارات - يتاليانىڭ پەسكارا قالاسىنىڭ پوليسياسى الدىن الا مالىمەتتەر بويىنشا وتكەن تۇندە ءوزىنىڭ 5 جاسار ۇلىن جاستىقپەن تۇنشىقتىرىپ ءولتىردى دەگەن كۇدىكپەن 47 جاستاعى ماسسيمو ماراۆاللەنى تۇتقىنعا الدى،
دەپ جازادى ر ي ا «نوۆوستي».
بالانىڭ تۇنشىققاندىقتان ولگەندىگى زەرتتەۋ- ساراپتاۋ بارىسىندا بەلگىلى بولدى.
قازىرگى ۋاقىتتا بالانىڭ ولىمىنە بايلانىستى تەكسەرۋ جۇمىستارى جالعاسۋدا. ەر ادام بۇنداي قادامعا جۇيكە اۋرۋلارى سالدارىنان بارۋى مۇمكىن دەلىنۋدە. ول بالانى اسىراپ الۋ كەزىندە مۇنداي دەرەكتى جاسىرىپ قالعان كورىنەدى. دۇيسەنبى كۇنى ساعات 11:30-دا (13:30 مسك) تەرگەۋ باستالادى.
بلاگوۆەشەنسكتە تۋعان بالانى اسىراۋعا بەرۋ تۋرالى شەشىمدى امۋر وبلىستىق سوتى شىعارعان. ونى يتاليالىق ماسسيمو ماراۆاللە مەن پاتريتسيەي سيلۆەستري اسىراپ العان. قۇجاتتارى 2012 - جىلى راسىمدەلگەن. بالا ەلشىلىكتىڭ ەسەبىنە ر ف ازاماتى رەتىندە تىركەلگەن.
