09:05, 11 - ماۋسىم 2014 | GMT +5
الداعى 5 جىلدا قىتايدىڭ گازعا سۇرانىسى ەسەلەنە تۇسەدى
استانا. قازاقپارات - تاياۋ بەس جىلدىڭ ىشىندە قىتايدىڭ تابيعي گازعا سۇرانىسى ەسەلەنە تۇسەتىن بولادى. بۇل جايىندا حالىقارالىق ەنەرگەتيكالىق اگەنتتىكتىڭ بايانداماسىندا دەرەكتەر كەلتىرىلگەن، دەپ حابارلادى بي- بي- سي.
بۇل بولجام قىتاي ەكونوميكاسى ءوسىمىنىڭ كۇرت قارقىن الۋى جانە ەل بيلىگىنىڭ اتموسفەراعا زياندى شىعارىندىلاردى ازايتۋ ماقساتىندا ەنەرگيا ءوندىرۋدى كومىردەن گازعا الماستىرۋعا تالپىنىسى نەگىزىندە جاسالعان.
اگەنتتىك مالىمەتتەرىنە سايكەس، قىتاي گازدى سىرتتان تاسىمالدايتىن ءىرى ەل بولىپ قالا بەرەدى. دەگەنمەن، قاجەتتى گازدىڭ شامامەن جارتىسىنا جۋىعى ىشكى رەسۋرستار، ونىڭ ىشىندە تاقتاتاس گاز ەسەبىنەن قاناعاتتاندىرىلاتىن بولادى.
ەستەرىڭىزگە سالا كەتەيىك، مامىر ايىنىڭ سوڭىندا ماسكەۋ ەۋروداقتىڭ قىرىمنىڭ ر ف- عا قوسىلۋىنا بايلانىستى جاساعان سانكتسياسىنا جاۋاپ رەتىندە بەيجىڭمەن قىتايعا جىلىنا 38 ميلليارد تەكشە مەتر گاز جەتكىزۋ كەلىسىمشارتىنا قول قويعان بولاتىن.
اۆتور: مارلان جيەمباي
