قازاقستاندا تۋريزمدى دامىتۋدىڭ 5 باعىتى انىقتالدى - م. يعاليەۆ
بۇل تۋرالى primeminister.kz سايتى جازادى.
«تۇجىرىمداما حالىقارالىق كونسالتينگىلىك كومپانيالاردىڭ قاتىسۋىمەن جاسالدى. جالپى، ءبىز دامۋدىڭ 5 كلاستەرىن انىقتادىق: استانا، الماتى، شىعىس قازاقستان، وڭتۇستىك قازاقستان جانە باتىس قازاقستان»، - دەدى م. يعاليەۆ.
سونىمەن، ونىڭ ايتۋىنشا، شىعىس قازاقستان ەكولوگيالىق تۋريزمدى، ال الماتى - تاۋ تۋريزمىن دامىتۋ ورتالىعى رەتىندە قارالادى. وعان قوسا، استانا مەن الماتى ىسكەرلىك تۋريزمدى دامىتۋ ورنى رەتىندە بەلگىلەنۋدە. وڭتۇستىك قازاقستان اۋماعى مادەني تۋريزمدى دامىتۋ ورتالىعى، ال باتىس قازاقستان مادەني جانە «جاعاجايلىق» دەمالىس ورنى رەتىندە داميتىن بولادى.
سونداي-اق، كوميتەت باسشىسى اتالعان كلاستەرلەر اياسىندا ۇلتتىق جوبالاردى جۇزەگە اسىرۋ قاراستىرىلعانىن اتاپ ءوتتى.
بۇدان وزگە، كۋرورتتىق ايماق قۇرۋ كۇردەلى قارجى شىعىنىنىڭ 3 ەلەمەنتىن بولجايدى: سىرتقى ماگيسترالدىك ينفراقۇرىلىم، ىشكى ينجەنەرلىك جانە تۋريستىك ينفراقۇرىلىم، كوممەرتسيالىق نىساندار. سىرتقى ينفراقۇرىلىمدى دامىتۋ باسقا ەلدەردىڭ مىسالىندا مەملەكەت ەسەبىنەن تولىعىمەن قامتاماسىز ەتىلەدى دەپ كۇتىلۋدە.
«ينۆەستيتسيالاردىڭ ەكونوميكالارعا قايتىمى جاڭا جۇمىس ورىندارىن قۇرۋ ارقىلى بيۋدجەتكە ءتۇسىم كەزىندە قامتاماسىز ەتىلەدى، جالپى قۇرىلىمدا كۇردەلى قارجى شىعىندارىنىڭ ۇلەسى شامامەن 15-25 پايىزدى قۇرايدى»، - دەپ تولىقتىردى ول.
م. يعاليەۆ ءتۇسىندىرىپ وتكەندەي، ىشكى ينجەنەرلىك ينفراقۇرىلىم تومەن كىرىستىلىگى مەن ۇزاق مەرزىمدى قايتىمىمەن مەملەكەتتىك-جەكە مەنشىك سەرىكتەستىك فورماتىندا ينۆەستيتسيالار تالاپ ەتەدى. سونىمەن، بۇل سەگمەنتتە شىعىندار ۇلەسىن كوميتەت جالپى شىعىنداردىڭ 20-35 پايىز كولەمىندە دەپ قارايدى. وعان قوسا، جىلجىمايتىن مۇلىككە شىعىندار شامامەن 50-60 پايىزدى قۇرايدى.
