الەم بىرىنشىلىگىندە 5 قازاقستاندىق بوكسشى كەلەسى اينالىمعا جولداما الدى

الماتى. قازاقپارات - الماتىدا اسكەري قىزمەتشىلەر اراسىندا ءوتىپ جاتقان 55-الەم بىرىنشىلىگىندە بەس قازاقستاندىق بوكسشى كەلەسى اينالىمعا جولداما الدى.

بۇگىنگى سايىستا بارلىعى 40 بوكسشى باق سىناعان بولاتىن.

قازاقستان اتىنان شىققان بەس بىلعارى قولعاپ شەبەرىنىڭ بەسەۋى دە كەلەسى اينالىمعا شىقتى.

49 كەلى سالماق دارەجەسىندەگى ولجاس باينيازوۆ پاكىستاندىق اسيف رازانىڭ ويسىراتا جەڭدى. ال 52 كەلى سالماقتا تۋنيستىك بوكسشى موتاسسار بوۋاليمەن قولعاپ تۇيىستىرگەن قازاقستاندىق ولجاس ساتتىبايەۆ تا قارسىلاسىن ءسۇرىندىردى. 56 كەلى سالماقتا ونەر كورسەتكەن قايرات ەراليەۆ بولسا، ءوز كەزەگىندە وڭتۇستىك كورەيالىق كۆون چول گۋكتەن باسىم ءتۇستى. 75 كەلى سالماقتا شارشى الاڭعا شىققان بابىرجان مومىنوۆتىڭ دا ايى وڭىنان تۋدى. ول بىرىككەن اراب امىرلىگىنەن كەلگەن ماحاماد ءموۆسابيدىڭ مىسىن باستى. جاڭا عانا اياقتالعان 91 كەلى سالماق دارەجەسىندەگى جەكپە- جەكتە قازاقستاندىق اسقار ابدوللايەۆ پاكىستاندىق نيسار حاندى جەڭىپ، كەلەسى اينالىمعا جولداما الدى.

 جارىستىڭ بۇگىنگى بەسىنشى كۇنى ادەتتەگىدەي كۇندىزگى ساعات 14:00 دە «دوستىق» سپورت كەشەنىندە باستالادى.

 

اۆتور: جاپپاربەرگەن ايبوتا