جاپونياداعى تاسقىن: كاگوسيمانىڭ 595 مىڭ تۇرعىنى شۇعىل ەۆاكۋاتسيالانباق
نۇر-سۇلتان. قازاقپارات - كاگوسيما قالاسىنىڭ بارلىق تۇرعىندارى - 595 مىڭ ادام سارسەنبى كۇنى سىرعىما مەن سۋ تاسقىنى قاۋپىنە بايلانىستى شۇعىل ەۆاكۋاتسيالاۋ تۋرالى نۇسقاۋ الدى.
بۇعان وسى اۋداندا تولاسسىز جاۋعان جاڭبىر سەبەپ بولۋى مۇمكىن، دەپ حابارلايدى NHK.
اكىمشىلىك حابارلاعانداي، قالادا ادامداردىڭ ومىرىنە قاۋىپ ءتونىپ تۇر.
ولارعا بيىك جەرلەردە ورنالاسقان مەكتەپتەر مەن مۋنيتسيپالدىق مەكەمەلەرگە بارۋ ۇسىنىلعان.
ۇلتتىق مەتەورولوگيالىق باسقارمانىڭ دەرەگى بويىنشا، كاگوسيما قالاسىندا ءبىر تاۋلىكتە 900 م م جاۋىن-شاشىن ءتۇسۋى مۇمكىن. جاپونيانىڭ وڭتۇستىك-باتىسىندا اپتا سوڭىنا دەيىن جاڭبىر جاۋۋى ىقتيمال.