جانىبەكتەن رەسەيگە ءبىر جىلدا 592 توننا ەت جونەلتىلدى - فوتو
بۇل الدىڭعى جىلمەن سالىستىرعاندا، 4473 باسقا نەمەسە 372 تونناعا ارتىق. بۇل تۋرالى تۇرعىندارمەن ەسەپتىك كەزدەسۋىندە جانىبەك اۋدانىنىڭ اكىمى مۇرات مۇقايەۆ ءمالىم ەتتى.
ونىڭ ايتۋىنشا، مەملەكەتتىك باعدارلاماعا قاتىسۋشى شارۋاشىلىقتار سانى 2012-جىلمەن سالىستىرعاندا، 3.2 ەسەگە كوبەيىپ، 144 شارۋا قوجالىعى مەن ءبىر اۋىلدىق تۇتىنۋشى كووپەراتيۆىنە جەتكىزىلدى. ولارعا تولەنگەن دەمەۋقارجى كولەمى 6.6 ەسەگە ارتىپ، جالپى كولەمى 620 ميلليون تەڭگەنى قۇرادى. سونىڭ ناتيجەسىندە اۋداندا مال باسى ءوسىپ، ەكسپورتتاۋ مۇمكىندىگى ۇلعايىپ كەلەدى.
تاعى ءبىر ايتا كەتەتىن جايت، 2015-جىلى وبلىس كولەمىندە العاشقى بولىپ قۇرىلعان «حان تۇسكەن» اۋىلدىق تۇتىنۋشى كووپەراتيۆى 6 ەلدى مەكەن تۇرعىندارىنىڭ 778 باس سيىرىن تارتىپ، 26 باس قازاقتىڭ اسىل تۇقىمدى بۇقاسىمەن قامتاماسىز ەتكەنى ءۇشىن 18 ميلليون تەڭگە دەمەۋقارجىعا قول جەتكىزدى. وسىنداي ۇلگىدەگى تۇتىنۋ كووپەراتيۆتەرى باسقا اۋىلدىق وكرۋگتەردە قۇرىلماق. «اگروبيزنەس-2020» باعدارلاماسىنا سايكەس مال باسىن اسىلداندىرۋ جۇمىستارى دا جۇرگىزىلۋدە.
اۋداندا اۆتوجول جوندەۋ، تۇرعىن ءۇي، سپورت الاڭدارىن سالۋ سىندى جۇمىستار بيىل دا جالعاسادى.
ەسەپتىك كەزدەسۋگە قاتىسقان وبلىس اكىمى نۇرلان نوعايەۆتىڭ ءمالىم ەتكەنىندەي، بيىل اۋداندا اسفالت زاۋىتى سالىنادى. سونى پايدالانىپ، كوشە جولدارىن جوندەۋگە 250 ميلليون تەڭگە ءبولۋ ويلاستىرىلادى. وعان قوسا تاۋ اۋىلىنداعى مادەنيەت ءۇيىن كۇردەلى جوندەۋ ءۇشىن 52 ميلليون تەڭگە قاراستىرىلدى.
وبلىستىڭ وڭتۇستىگىندە ورنالاسقان بوكەي ورداسى، قازتالوۆ جانە جانىبەك اۋداندارى ءۇشىن باستى ماسەلەنىڭ ءبىرى جول ەكەنى انىق. ياعني ورال قالاسىمەن جالعاستىراتىن قاتقىل تاباندى جول جوق. وسى ماسەلەنى شەشۋ باعىتىندا رەسپۋبليكالىق ماڭىزى بار جانىبەك- قازتالوۆ كۇرە جولىنىڭ 20 شاقىرىمى كۇردەلى جوندەلۋدە. وتكەن جىلى مەردىگەر ۇيىم «ر س ۋ-1» ج ش س 6.2 شاقىرىم جولدىڭ نەگىزگى جابىنىن توسەسە، بيىل وسى جۇمىستى جالعاستىرۋعا رەسپۋبليكالىق بيۋدجەتتەن 800 ميلليون تەڭگە ءبولىنىپ وتىر.
وبلىس باسشىسى جانىبەك اۋدانىنا كەلگەن ساپارى بارىسىندا سونداي-اق 2015-جىلى پايدالانۋعا بەرىلگەن 290 ورىندىق «التىن ۇيا» بوبەكجايىنىڭ تىنىس-تىرشىلىگىمەن تانىسىپ، بالاباقشاعا ينتەراكتيۆتى تاقتانى تارتۋ ەتتى. وتكەن جىلى اشىلعان اۋداندىق مۋزەي دە نازاردان تىس قالعان جوق.
