بىشكەكتەگى تارتىپسىزدىكتەر كەزىندە ءبىر ادام قازا تاۋىپ، 590 ادام زارداپ شەكتى

ولاردىڭ اراسىندا 439 ادام العاشقى مەديتسينالىق كومەك كورسەتىلگەن سوڭ، امبۋلاتورلىق ەم الۋعا جىبەرىلدى. زارداپ شەككەن 150 ادام ءتۇرلى جاراقاتتارمەن اۋرۋحاناعا جاتقىزىلدى، سونىڭ ىشىندە 13 ادام جانساقتاۋ بولىمىندە جاتىر. بۇل تۋرالى قازاقپارات قىرعىزستاننىڭ كابار اگەنتتىگىنە سىلتەمە جاساپ حابارلايدى.

قىرعىز رەسپۋبليكاسىنىڭ دەنساۋلىق ساقتاۋ مينيسترلىگىنىڭ مالىمەتتەرىنشە، بىشكەكتەگى تراۆماتولوگيا جانە ورتوپەديا عىلىمي- زەرتتەۋ ورتالىعىنا زارداپ شەككەن 288 ادام كەلىپ تۇسكەن، سونىڭ ىشىندە 69 ادام اۋرۋحاناعا جاتقىزىلدى. زارداپ شەككەن 5 ادام جانساقتاۋ بولىمىندە جاتىر. ۇلتتىق گوسپيتالگە زارداپ شەككەن 164 ادام جەتكىزىلدى، سونىڭ ىشىندە 58 ادام اۋرۋحاناعا جاتقىزىلعان. 6 ادام جانساقتاۋ بولىمىندە جاتىر، ءبىر ادام قايتىس بولدى (بەلگىسىز ەر ادام، ازيالىق ۇلت).

#1 قالالىق كلينيكالىق اۋرۋحاناعا زارداپ شەككەن 30 ادام جەتكىزىلگەن، سونىڭ ىشىندە 23 ادام امبۋلاتورلىق ەم الۋعا جىبەرىلدى. 7 ادام اۋرۋحاناعا جەتكىزىلگەن، سونىڭ ىشىندە بىرەۋى جانساقتاۋ بولىمىندە جاتىر. شۋ وبلىستىق اۋرۋحاناسىنا 93 ادام كەلىپ تۇسكەن، 90 ادام امبۋلاتورلىق ەم الۋعا جىبەرىلدى. ۇشەۋى اۋرۋحاناعا جاتقىزىلعان، ءبىر ادام جانساقتاۋ بولىمىندە جاتىر. ۇلتتىق حيرۋرگيا ورتالىعىنا 15 ادام كەلىپ تۇسكەن، سونىڭ ىشىندە ەكەۋى امبۋلاتورلىق ەم الۋعا جىبەرىلدى، 13 ادام اۋرۋحاناعا جاتقىزىلدى.

اۆتور: زارينا تۋعانبايەۆا