مەكسيكادا بولعان جەر سىلكىنىسى قۇرباندارىنىڭ سانى 58 گە جەتتى
وسىعان دەيىن قازا بولعان 32 ادام تۋرالى حابارلانعان بولاتىن. ءزىلزالا اسىرەسە ەلدىڭ وڭتۇستىك بولىگىنە قاتتى نۇقسان كەلتىردى. واحاكا شتاتىنداعى حۋچيتان قالاسىندا راتۋشا، قوناق ءۇي مەن وزگە دە عيماراتتار قيرادى. ماتياس- رومەرو قالاسىنداعى جاڭا قوناق ءۇيدىڭ عيماراتى جەر سىلكىنىسىنىڭ سالدارىنان ەكىگە ءبولىنىپ كەتتى.
8,0 ماگنيتۋدالىق جەر سىلكىنىسى 8 -قىركۇيەك، جۇما كۇنى تاڭ اتا مەكسيكانىڭ تىنىق مۇحيتى جاعالاۋلارىندا تىركەلگەن بولاتىن.
ونىڭ ەپيتسەنترى ەلدىڭ وڭتۇستىك شىعىسىنداعى پيحيحياپان قالاسىنان 96 ك م قاشىقتىقتا ورنالاسقان. ءزىلزالادان كەلگەن ناقتى شىعىن كولەمىن انىقتاۋ ءبىرشاما ۋاقىتتى قاجەت ەتپەك. الايدا بۇل جەر سىلكىنىسىنىڭ سوڭعى 100 جىلداعى ەڭ قۋاتتىسى ەكەندىنى انىق.
ساراپشىلار مەكسيكا جاعالاۋلارىمەن قاتار وسى ەلگە جاقىن ورنالاسقان گوندۋراس، نيكاراگۋا، گۆاتەمالا، سالۆادور، كوستا-ريكا، پاناما مەن ەكۆادور سياقتى ەلدەردە تسۋنامي بولادى دەگەن بولجام جاساعان بولاتىن. تولقىنداردىڭ بيىكتىگى جەر سىلكىنىسىنەن سوڭ 1 مەترگە جەتتى.
