ساحا رەسپۋبليكاسىنىڭ ءۇش ەلدى مەكەنىندە 57- گرادۋس اياز

ياكۋتسك. تاسس - قازاقپارات - دۇيسەنبى كۇنى تاڭەرتەڭ ساحا رەسپۋبليكاسىنىڭ 20 دان استام پۋنكتىندە 50- جانە ودان تومەن تەمپەراتۋرا تىركەلدى.

بۇل تۋرالى اتالمىش مەملەكەتتىڭ قورشاعان ورتانىڭ گيدرومەتەورولوگيا جانە مونيتورينگ باسقارماسىنان ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

ماسكەۋ ۋاقىتىمەن تۇنگى 12 دە حاباردينو، ۆەرحنيەۆيليۋيسك جانە بەرديگەستياح پۋنكتىلەرىندە

57- گرادۋس بولدى. پوكروۆسك، ولەنكا جانە سۋنتار ەلدى مەكەندەرىندە تەرمومەتر 56- گرادۋس، تومموت پەن نيۋربادا 55- گرادۋس، دوروجنىي، امگا، ەيك جانە ۆيليۋيسكتە 54- گرادۋس كورسەتتى. ياكۋتسكتە اۋا تەمپەراتۋراسى - مينۋس 50 گرادۋس.

ايازعا بايلانىستى ساحا مەكتەپتەرى 16-18-قاڭتار ارالىعىندا قاشىقتان وقۋعا اۋىستىرىلدى. 15-قاڭتاردا ءبىلىم جانە عىلىم ءمينيسترى يرينا ليۋبيموۆا اۋا تەمپەراتۋراسى 65- گرادۋسقا دەيىن تومەندەۋى مۇمكىن ەكەنىن ەسكەرتىپ، وسىنداي بۇيرىققا قول قويعان بولاتىن.