قازاقستاندا جاسى ەلۋدەن اسقان 57 مىڭداي ادام جۇمىسقا ورنالاستى
«قازاقستاندا ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021-جىلدارعا ارنالعان «ەڭبەك» مەملەكەتتىك باعدارلاماسى تابىستى ىسكە اسىرىلۋدا. باعدارلاما اياسىندا جاستار العاشقى جۇمىسشى ماماندىعىن تەگىن الا الادى. سونداي-اق، قاجەتتى ماماندىقتار مەن داعدىلاردى ۇيرەنۋگە بولادى. وتكەن جىلى 80 مىڭعا جۋىق ادام وسى مۇمكىندىكتى پايدالاندى»، دەلىنگەن حابارلامادا.
2018-جىلى «ەڭبەك» مەملەكەتتىك باعدارلاماسىنىڭ قاتىسۋشىلارى 628 مىڭ ادام بولدى، ونىڭ ىشىندە جۇمىسسىزدار - 509 مىڭ ادام جانە ءوزىن-ءوزى جۇمىسپەن قامتىعاندار-119 مىڭ ادام.
سونداي-اق، جاستارمەن قاتار جۇمىسسىز جانە جۇمىسپەن قامتىلعان ادامداردىڭ جەكەلەگەن ساناتتارى قاتارىنان مەملەكەتتىك قولداۋ شارالارىن الۋ ءۇشىن ەلۋ جاستان اسقان زەينەتكەرلىك جاسقا جەتكەنگە دەيىن ادامدارعا باسىم قۇقىق بەرىلگەن.
2018-جىلى باعدارلاماعا 50 جاستان اسقان 74 مىڭنان استام ادام قاتىستى، ونىڭ ىشىندە 57 مىڭعا جۋىعى جۇمىسقا ورنالاستىرىلدى.
50 جاستان اسقان شامامەن 6 مىڭ ادام قىسقا مەرزىمدى وقىتۋ كۋرستارىنا جىبەرىلدى، ال 1,2 مىڭ ادام كاسىپكەرلىك نەگىزدەرىنە وقىتۋمەن قامتىلعان.