ەلوردانىڭ بايقوڭىر اۋدانىندا 57 قۇرىلىس كومپانياسى اباتتاندىرۋ ەرەجەلەرىن بۇزعان
سونىمەن قاتار، 1310725 تەڭگە كولەمىندە ايىپپۇل سالۋ تۋرالى قاۋلى شىعارىلدى. ونىڭ 751 562 تەڭگەسى وتەلگەن.
«بەكىتىلگەن اۋماقتاردى قاراۋ كەزىندە تابيعاتتى قورعاۋ پوليتسيا قىزمەتكەرلەرى اۋداندىق اكىم اپپاراتىنىڭ ماماندارىمەن بىرلەسە وتىرىپ، قۇرىلىس الاڭدارى مەن ۋچاسكەلەردىڭ قالانى اباتتاندىرۋ ەرەجەلەرىنىڭ تالاپتارىنا سايكەستىگى تۇرعىسىنان تەكسەرۋ جۇمىستارىن ۇنەمى جۇرگىزەدى. ىرگەلەس اۋماقتاردان قاردى، مۇزداقتاردى، قوقىستاردى ۋاقىتىلى جيناماعانى جانە شىعارماعانى، قۇرىلىس اۋماعىنان تىس قۇرىلىس ماتەريالدارىن جيناعانى، قورشاۋدىڭ جانە نىساننىڭ قۇرىلىس پاسپورتىنىڭ بولماۋى، ۇلكەن جۇك اۆتوكولىگىنىڭ دوڭگەلەكتەرىن جۋۋ پۋنكتتەرىنىڭ جوقتىعى ءۇشىن 57 قۇرىلىس كومپانياسى جاۋاپكەرشىلىككە تارتىلدى. سالىنعان ايىپپۇلدىڭ جالپى سوماسى 986 050 تەڭگەنى قۇرايدى»، - دەپ مالىمدەدى اۋدان اكىمدىگىنىڭ باسپا ءسوز قىزمەتىندە.
«بەلگىلەنبەگەن جەردە قار، قوقىس، بەتون، بالشىق توككەنى ءۇشىن جىل باسىنان بەرى 43 جۇرگىزۋشى جاۋاپكەرشىلىككە تارتىلدى. بۇل باعىتتاعى جۇمىس جالعاسىن تاۋىپ، استانا قالاسى پوليتسيا دەپارتامەنتى باسشىلىعىنىڭ تۇراقتى باقىلاۋىندا بولادى»، - دەلىنگەن حابارلامادا.
