09:57, 15 - قازان 2018 | GMT +5
قازاقستاندىق جاس بوكسشى قارسىلاسىن 57 سەكۋندتا سۇلاتىپ سالدى
استانا. قازاقپارات - 20 جاستاعى قازاقستاندىق بوكسشى سادريددين احمەدوۆتىڭ كاسىبي مانسابىنداعى ءتورتىنشى كەزدەسۋى 57 سەكۋندتا اياقتالدى.
وتانداسىمىز مەكسيكالىق حاۆەر حەسۋس مەندوستى تەحنيكالىق نوكاۋتپەن جەڭىپ كەتتى دەپ حابارلايدى Sports.kz.
التى راۋندقا جوسپارلاعان جەكپە-جەك ءبىر مينۋتقا جەتپەي قازاقستاندىق احمەدوۆتىڭ جەڭىسىمەن اياقتالعان.
وسىلايشا، سادريددين ءوزىنىڭ ءتورتىنشى كەزدەسۋىندە دە قارسىلاسىن نوكاۋتقا ءتۇسىرىپ، چەمپيون اتاندى.
شەتەلدىك ب ا ق وكىلدەرى جاس بوكسشىعا تاڭداي قاعىپ، ول تۋرالى جارىسا جازۋدا. ماسەلەن، TVA Sports «بۇل جىگىتتىڭ تىم تالانتتى» ەكەنىن العا تارتىپ، وعان جاقسى سىناما كەرەك ەكەنىن مالىمدەدى.
«BoxRec Canada» باسىلىمى بولسا وزدەرىنىڭ رەسمي پاراقشالارىندا احمەدوۆتىڭ تاڭعالدىرعانىن مويىنداعان.
ال «Boxrec.com» ءتىلشىسى فيليپپ سەن-مارتەن سادريددينگە «ۇلى مانساپ» تىلەدى.