جاڭا جىل ءتۇنى استانادا 57 ءسابي دۇنيەگە كەلدى

استانا. قازاقپارات - جاڭا جىل ءتۇنى استانادا 57 نارەستە ومىرگە كەلدى، دەپ حابارلايدى ەلوردا اكىمدىگىنىڭ مەديا ورتالىعى.

ەلورداداعى ءۇش پەريناتالدىق ورتالىقتا 57 ءسابي دۇنيە ەسىگىن اشتى.

سونداي-اق، قالالىق دەنساۋلىق ساقتاۋ باسقارماسىنىڭ مالىمەتىنشە، جاڭا جىل ءتۇنى 9 ادام پيروتەحنيكادان زارداپ شەككەن.

قالانىڭ تراۆموتولوگيالىق پۋنكتەرىنە 320 ادام جۇگىندى. بۇعان قوسا، 1-3 -قاڭتار ارالىعىندا قالالىق جەدەل مەديتسينالىق جاردەم ستانساسىنا 1561 قوڭىراۋ ءتۇستى.

ايتا كەتەيىك، جاڭا جىل ءتۇنى استاناداعى قاۋىپسىزدىك پەن تازالىق جۇمىسىن قامتاماسىز ەتۋگە 32 مىڭنان استام ادام جۇمىلدىرىلعان بولاتىن.