15:43, 03 - تامىز 2023 | GMT +5
بانگلادەشتە دەنگە بەزگەگىن جۇقتىرعاندار سانى 57127 گە جەتتى
داككا. شينحۋا - قازاقپارات - سارسەنبىدە بانگلادەشتە دەنگە بەزگەگىن جۇقتىرعانداردىڭ 2711 جاڭا جاعدايى جانە 12 ءولىم تىركەلدى.

جىل باسىنان بەرى ىندەت جۇقتىرعاندار سانى 57127 گە، ال ءولىم سانى 273 كە جەتتى. بۇل تۋرالى ەلدىڭ دەنساۋلىق ساقتاۋ باس ديرەكتوراتى ءمالىم ەتتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
ۆەدومستۆونىڭ حابارلاۋىنشا، بانگلادەشتە ساۋىعىپ كەتكەن ناۋقاستاردىڭ جالپى سانى 47529 ادامدى قۇرادى. سارسەنبىدە 2638 ادام اۋرۋحانالاردان شىعارىلدى.
ديرەكتوراتتىڭ حابارلاۋىنشا، وتكەن ايدا ەلدە دەنگە بەزگەگىنىڭ ەڭ جوعارى ءوسۋى بايقالدى: 43854 ادام ىندەت جۇقتىرعان جانە 204 ادام قايتىس بولدى.