تالدىقورعاندا زاۋاتقا 570 ملن. تەڭگە كولەمىندە مەملەكەتتىك كومەك كورسەتىلدى

تالدىقورعان. قازاقپارات - «Aluminium of Kazakhstan»  ج ش س ديرەكتورى جۇمابەك نۇرسۇلتان تالدىقورعاندا وتكەن ورتالىق كوممۋنيكاتسيالار قىزمەتىنىڭ كوشپەلى بريفينگىندە باسپا ءسوز وكىلدەرىنىڭ زاۋىتتىڭ جۇمىسىنا قاتىستى جانە زاۋىتقا مەملەكەت تاراپىنان كورسەتىلگەن كومەككە قاتىستى ساۋالدارىنا جاۋاپ بەردى.

«اليۋمينيدەن جاسالعان بۇيىمدار مەن پروفيلدەر كوپتەگەن سالالاردا، اتاپ ايتقاندا، ساۋدا قۇرالدارىن، كولىك قۇراستىرۋ، جيھاز جاساۋ، ازاماتتىق جانە تۇرعىن ءۇي قۇرىلىسى، ارنايى تاپسىرىستاردى دايىنداۋدا كەڭىنەن قولدانىلادى. شىعارىلعان ءونىمنىڭ باسىم بولىگى ەۋرازيا جانە الەمدىك نارىققا شىعارۋعا باعىتتالعان. ءبىزدىڭ كاسىپورىنعا «بيزنەستىڭ جول كارتاسى 2020» باعدارلاماسى اياسىندا مەملەكەت تاراپىنان ايتارلىقتاي كومەك كورسەتىلگەندىگىن اتاپ ءوتۋ قاجەت. سەبەبى كاسىپورنىمىزدىڭ ينفراقۇرىلىمىن جۇرگىزۋگە 570 ملن. تەڭگەنىڭ مەملەكەتتىك كومەگى كورسەتىلىپ، ءوندىرىس كولەمىن ارتتىرۋعا ۇلكەن سەپتىگىن تيگىزدى»، - دەپ ن. جۇمابەك.