اقتوبەدە الاياق ايەل كاسىپكەرلەردىڭ 56 ميلليون تەڭگەسىن يەمدەنىپ كەتكەن
اقتوبە. قازاقپارات - اقتوبەلىك پوليتسەيلەر 6 كاسىپكەردەن ءىرى كولەمدە اقشا جىمقىرعان 33 جاستاعى ايەلدى ۇستادى، دەپ حابارلايدى قازاقپارات ءتىلشىسى.
كۇدىكتى كاسىپكەرلەردىڭ سەنىمىنە كىرىپ، الداۋ ارقىلى ءىرى سوماداعا اقشالارىن يەمدەنگەن. بىرىنە تەندەردەن ۇتۋعا ۋادە ەتسە، تاعى بىرىنە جۇمىسقا ورنالاستىراتىنىن ايتقان. ول 2019 -جىلدىڭ جەلتوقسانىندا 8 ميلليون تەڭگەنى قالتاسىنا باسقان. سول ايدا تاعى ەكى كاسىپكەردى الداپ، 8 جانە 7,8 ميلليون تەڭگە كولەمىندە اقشا جىمقىرعان.
«ال 2020 -جىلدىڭ قاڭتار ايىندا اقتوبە قالاسىنىڭ 37 جاستاعى كاسىپكەرىنەن 32,2 ميلليون تەڭگە الدى. ول تەندەر بايقاۋىن جەڭىپ بەرۋگە ۋادە ەتكەن. بارلىق دەرەك بويىنشا تەرگەۋ باستالدى. قىلمىستىق كودەكستىڭ «الاياقتىق» بابى بويىنشا سوتقا دەيىنگى تەرگەۋ ءجۇرىپ جاتىر»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
اۆتور: التىناي ساعىندىقوۆا
