بارناۋلدا جەرگە قاتتى قونعان ۇشاقتا زارداپ شەككەندەر سانى 56 ادامعا جەتتى

ر ف تەرگەۋ كوميتەتى كولىكتەگى باتىس ءسىبىر تەرگەۋ باسقارماسىندا ءمالىم ەتكەندەي، قازىرگى تاڭدا مەديتسينالىق سانيتارلىق بولىمگە كومەك سۇراپ 56 جولاۋشى كەلگەن. ءبىر ايەل اۋرۋحانادا جاتىر.

قالعان جولاۋشىلار دارىگەرگە قارالىپ، ۇيلەرىنە جىبەرىلدى. بۇعان دەيىن 49 ادامنىڭ زارداپ شەككەنى تۋرالى حابارلانعان ەدى.

ۆەتنامنىڭ كامران قالاسىنان بارناۋلعا اتتانعان Azur Air اۋە كومپانياسى ۇشاعىنىڭ بورتىندا بارلىعى 344 ادام بولعان. ونىڭ 334 - جولاۋشى، قالعان ون ادام - ەكيپاج مۇشەلەرى. ت ج م وڭىرلىك باس باسقارماسىندا ءمالىم ەتكەندەي، سارسەنبى كۇنى ساعات 21:21 دە بارناۋل اۋەجايىندا اۋە كەمەسىنىڭ ءشاسسيى ورتەنىپ، ۇشاق جەرگە قاتتى قونعان. سالونعا ءتۇتىن جايىلىپ، جولاۋشىلار ۇرمەلى باسقىشتارمەن ەۆاكۋاتسيالاندى.