الماتىدا قوعامدىق ورىندا تۇكىرگەنى ءۇشىن 5613 ادامعا ايىپپۇل سالىندى - ۆيدەو
الماتى قالاسىنىڭ پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باستىعى ەرجان ۇزابايەۆ قالا تۇرعىندارىن قوعامدىق ءتارتىپتى بۇزۋ جانە قوعامدىق ورىندى لاستاۋ تۋرالى فوتو، ۆيدەولاردى «102» قوسىمشاسى ارقىلى جىبەرۋگە شاقىردى.
«اتالعان رەسۋرستا تاۋلىك بويى 20 وپەراتور بەينە قوڭىراۋ، اۋديو نەمەسە SMS- حابارلامالاردى قابىلدايدى. قابىلدانعان شارالار ءوتىنىش اۆتورلارىنا بەلگىلەنگەن مەرزىمدە حابارلانادى»، - دەدى ەرجان ۇزابايەۆ.
ول سونداي-اق الماتىلىقتاردىڭ بەلسەندىلىك تانىتىپ، زاڭدىلىق پەن ءتارتىپتى قامتاماسىز ەتۋدە ءوز ۇلەستەرىن قوسىپ كەلە جاتقانىن ايتتى.
«جىل باسىنان بەرى «102» قوسىمشاسى ارقىلى ازاماتتار 500-گە جۋىق حابارلاما جولدادى. ەڭ ءجيى كەزدەسەتىنى - تۇكىرگەن ادامدار تۋرالى. جالپى، جىل باسىنان بەرى اتالعان قۇقىقبۇزۋشىلىق بويىنشا 5613 ادام اكىمشىلىك جاۋاپقا تارتىلدى»، - دەدى الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى ەرجان ۇزابايەۆ.
سپيكەردىڭ ايتۋىنشا، بيىلعى جىلدىڭ 7-ايىندا قالانى اباتتاندىرۋ ەرەجەلەرىن بۇزۋدىڭ 17152 دەرەگى، قوعامدىق ورىندا الكوگولدىك ىشىمدىكتەردى ءىشۋدىڭ 11481 دەرەگى، تىنىشتىقتى بۇزۋدىڭ 5494 دەرەگى، تەمەكى شەگۋگە تىيىم سالۋدى بۇزۋدىڭ 3077 دەرەگى تىرەلدى، سونداي-اق، 505 ۇساق قىلمىس جانە ت. ب. انىقتالدى.
پوليتسيادان حابارلاعانداي، اكىمشىلىك زاڭناماعا سايكەس قوعامدىق ورىنداردا، ساياباقتار مەن الاڭداردا بەلگىلى ءبىر ارەكەتتەر زاڭمەن شەكتەلەدى جانە جاۋاپكەرشىلىككە اكەلەدى. مىسالى، ق ر ا ق ب ك-نىڭ 434-2-بابىنىڭ تالاپتارىنا سايكەس، قوعامدىق ورىنداردى لاستاۋعا تىيىم سالىنادى.
«وسى سيپاتتامالاردى ەسكەرە وتىرىپ، تۇكىرۋ قوعامدىق ورىنداردى لاستايدى، سوندىقتان بۇل ارەكەت وسى قۇقىق بۇزۋشىلىقتىڭ بەلگسىنە جاتادى»، - دەپ حابارلادى قالالىق پوليتسيا دەپارتامەنتىندە.
