قازاقستاندا 560 امەريكالىق كومپانيا جۇمىس ىستەيدى
بۇل تۋرالى ق ر سىرتقى ىستەر ءمينيسترىنىڭ ورىنباسارى اقان راحمەتۋللين ايتتى، دەپ حابارلايدى قازاقپارات.
«ا ق ش - قازاقستان ەكونوميكاسىنىڭ ەكىنشى ءىرى ينۆەستورى ەكەنىن اتاپ وتكىم كەلەدى. قازاقستاندا امەريكالىق كاپيتالدىڭ قاتىسۋىمەن 560 تان استام كومپانيا تابىستى جۇمىس ىستەپ جاتىر. ساۋدا- ەكونوميكالىق جانە عىلىمي- تەحنيكالىق كووپەراتسيانى ودان ءارى نىعايتۋ جولدارى دا بۇگىنگى وتىرىستا تالقىلانۋدا. پىكىر الماسۋ جولىمەن ءبىز ەلىمىزدەگى ساياسي رەفورمالاردى، دەموكراتيالاندىرۋ مەن ادام قۇقىقتارىن ساقتاۋدى قاراستىردىق جانە الداعى ۋاقىتتا دا قاراستىراتىن بولامىز»، - دەدى اقان راحمەتۋللين قازاقستان مەن ا ق ش اراسىنداعى كەڭەيتىلگەن ستراتەگيالىق ارىپتەستىك جونىندەگى كوميسسيا وتىرىسىنان كەيىنگى بريفينگتە.
ونىڭ ايتۋىنشا، قازاقستاندىق تاراپ امەريكالىق ارىپتەستەرمەن بىرگەС-5+1 ديالوگى ورتالىق ازياداعى ىنتىماقتاستىقتى نىعايتۋدىڭ ماڭىزدى قۇرالى بولىپ قالا بەرەدى دەگەن پىكىردە.
«كەلەسى جىلى ءبىز ءوزارا ساياسي جانە ەكونوميكالىق بايلانىستاردىڭ وسىنداي جوعارى قارقىنىن جوعارى دەڭگەيدە ۇستاپ تۇرۋعا نيەتتىمىز. امەريكالىق سەرىكتەستەرىمىزگە ەلىمىزگە ساپارلاعانى ءۇشىن، شارالارعا بەلسەندى قاتىسقانى ءۇشىن العىس ايتامىز»، - دەدى ا. راحمەتۋللين.
ايتا كەتەيىك، بۇگىن ق ر سىرتقى ىستەر ءمينيسترىنىڭ ورىنباسارى اقان راحمەتۋللين مەن ا ق ش مەملەكەتتىك حاتشىسىنىڭ كومەكشىسى دونالد لۋدىڭ توراعالىعىمەن قازاقستان مەن ا ق ش اراسىنداعى كەڭەيتىلگەن ستراتەگيالىق ارىپتەستىك جونىندەگى كوميسسيا وتىرىسى ءوتتى.
اۆتور: ايجان سەرىكجان قىزى
