امەريكالىق ايەل 560 ميلليون دوللار جەڭدى، ءبىراق ودان باس تارتتى
بۇل تۋرالى The Washington Post جازادى، دەپ حابارلايدى Baq.kz اقپارات اگەنتتىگى lenta.ru باسىلىمىنا سىلتەمە جاساپ.
ايەل سىيلىقتى سوت ارقىلى جاسىرىن تۇردە العىسى كەلىپ وتىر. سوت قۇجاتتارىندا ول ءوزىن دجەين دوۋ (Jane Doe) دەپ كورسەتكەن. بۇل - كوبىنە ءوتىنىش بىلدىرۋشىلەردىڭ جاسىرىن قولداناتىن ەسىمى.
جولى بولعان جەڭىمپاز ونىڭ بايلىعى تۋرالى قالاداعى الاياقتار مەن قىلمىسكەرلەر ءبىلىپ قويۋىنان قورقادى.
«ول ازىق- تۇلىك الۋعا ەشتەڭەدەن قورىقپاي بارعىسى كەلەدى. تۇرعىندار ونىڭ اقشاسى كوپتىگىن بىلمەگەنىن قالايدى» ، - دەدى ايەلدىڭ قورعاۋشىسى.
مۇنىمەن قوسا، باسىلىم حابارلاۋىنشا، لوتورەيانى ۇيىمداستىرۋشىلار ءۇشىن جەڭىمپازدىڭ اتىن جاريالاۋ - الاياق دەگەن قاۋەسەتتەن قۇتىلۋ جولى، ەكىنشى جاعىنان، امەريكالىقتار اراسىندا لوتورەيانى جارنامالايتىن مىقتى ماركەتينگ بولۋى مۇمكىن. نيۋ- گەمپشير زاڭدارىنا سايكەس، جەڭىمپازدىڭ اتى، قالاسى جانە سوماسى جاريالانۋى ءتيىس.
قازىر ايەل جەڭگەن بيلەتكە قول قويدى. ەگەر ول قولىن وزگەرتسە، وندا جەڭىسى كۇيىپ كەتۋى مۇمكىن.
