19:41, 17 - ءساۋىر 2023 | GMT +5
جامبىلدا ماريحۋانا ساقتاعان 55 جاستاعى ەر ادام ۇستالدى
تاراز. قازاقپارات - جامبىل وبلىسىنىڭ پ د ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى جەدەل- ىزدەستىرۋ ءىس- شارالارىن ۇيىمداستىردى، دەپ حابارلايدى قازاقپارات.
رەسمي مالىمەتتەرگە قاراعاندا، تەيا اتتى قىزمەتتىك- ىزدەستىرۋ ءيتىن پايدالانىپ، ۇستالعان ازاماتتىڭ تۇرعىلىقتى جەرىن ءتىنتۋ بارىسىندا ءۇيدىڭ شاتىرىنان جالپى سالماعى 9 كەلى 13 گر بولاتىن كەپتىرىلگەن ماريحۋانا تابىلدى.
ۇستالعان ادام كىناسىن مويىندادى.
«ق ك 296-بابىنىڭ 4-بولىگىمەن «اسا ءىرى مولشەردە ەسىرتكى قۇرالدارىن زاڭسىز ساقتاۋ» جانە 297-بابىنىڭ 3- بولىگى «اسا ءىرى مولشەردە ەسىرتكى زاتتارىن وتكىزۋ ماقساتىندا زاڭسىز ساقتاۋ» بويىنشا سوتقا دەيىنگى تەرگەۋ امالدارى باستالدى»، - دەپ حابارلادى باسقارما باستىعى ءالىم باجىقبايەۆ.
