قازاقستاندىقتار تۇتىناتىن شوكولادتىڭ 55 پايىزى شەتەلدەن اكەلىنەدى

استانا. قازاقپارات - 2022 -جىلدىڭ 10 ايىندا قازاقستاندا 75,7 مىڭ توننا شوكولاد جانە كونديتەرلىك ءونىم ءوندىرىلدى.

بۇل وتكەن جىلدىڭ سايكەس كەزەڭىمەن سالىستىرعاندا %7,2 ارتىق، دەپ حابارلايدى قازاقپارات.

ۇلتتىق ستاتبيۋرو تاراتقان مالىمەتكە سەنسەك، يمپورت ۇلەسى - 93,4 مىڭ توننا ءتاتتى.

بۇل وتكەن جىلدىڭ سايكەس كەزەڭىمەن سالىستىرعاندا %9,1 عا ارتىق.

سىرتتان اكەلىنگەن ءونىمنىڭ ۇلەس سالماعى %55,2 قۇرادى.

10 ايدىڭ قورىتىندىسى بويىنشا ىشكى نارىقتا 140,2 مىڭ توننا شوكولاد پەن كونديتەرلىك ءونىم ساتىلدى.

بۇل رەتتە ەكسپورتقا 28,9 مىڭ توننا ءتاتتى جىبەرىلدى.