قازاقستانداعى ەلەكتر جەلىلەرىنىڭ 55 پايىزى توزعان
مۇنداي دەرەكتەردى ەلەكتر ەنەرگياسى تاريفىنە قاتىستى پىكىر بىلدىرگەن «ەكونوميكالىق زەرتتەۋلەر ينستيتۋتى» ا ق ورتالىعىنىڭ ديرەكتورى ايدىن باقدولوتوۆ كەلتىردى، دەپ حابارلايدى قازاقپارات ءتىلشىسى.
ايدىن باقدولوتوۆتىڭ مالىمەتىنشە، بۇگىندە ەلىمىزدەگى گەنەراتور قۇرىلعىلارىنىڭ – 78، ەلەكتر جەلىلەرىنىڭ – 55، جىلۋ جەلىلەرىنىڭ - 80 جانە سۋ قۇبىرلارى جەلىلەرىنىڭ - 49 پايىزى توزعان.
ول قازىرگى نارىقتاعى تاريفتەر قۇنىنىڭ تومەن بولۋى - قاجەتتى قۇرىلعىلاردى جاڭارتۋعا كەدەرگى بولىپ وتىرعانىنا توقتالدى.
«تاريفتەردى تومەن باعامەن جاساندى ۇستاپ تۇرۋ سالدارى جارىقتى ءجيى ءسوندىرۋ جانە جىلۋ ەلەكتر ستانسالارىنداعى اپاتتارعا اپارىپ سوعادى. ول حالىق پەن بيزنەسكە قىپ-قىزىل شىعىن اكەلەدى. قالىپتاسقان جاعداي بۇل باعىتتاعى ەكونوميكالىق ساياساتتى قايتا قاراۋدى تالاپ ەتەدى»، - دەپ سانايدى ايدىن باقدولوتوۆ.
ساراپشى بولجامىنشا، تاريفتەرگە قويىلعان شەكتى باعانى قايتا قاراۋ ماسەلەسى قولعا الىنسا، وندا توزعان قۇرىلعىلاردىڭ 15 پايىزىن جاڭارتۋعا بولادى.
قوسا كەتسەك، قىركۇيەك ايىنان باستاپ قوستانايدا ەلەكتر ەنەرگياسىنىڭ تاريفى شامامەن 5 پايىزعا ءوستى.
سونىمەن قاتار، ماڭعىستاۋ وبلىسىندا دا تاريفتەر قىمتاتتادى.
